Media thotë se demokratët e kanë ruajtur kontrollin e Kongresit dhe kanë siguruar
të paktën katër vende më shumë në senat, sipas rezultateve paraprake.
Në shtetin e Virxhinias, duket se ish-guvernatori demokrat Mark Uorner ka fituar ndaj republikanit Xhim Gilmor në garën për të zëvendësuar senatorin republikan Xhon Uorner. Mark Uorner dhe Xhon Uorner nuk kanë lidhje familjare me njëri-tjetrin.
Sipas rezultateve paraprake në Karolinën e Veriut, demokratja Kei Hagan duket se ka fituar ndaj republikanes që mbante postin e senatores Elizabeth Doll.Edhe votuesit në New Hamshër dhe Nju Meksiko sipas parashikimeve kanë zgjedhur demokratë në garën e senatit.
Demokratët kanë thelluar gjithashtu epërsinë në Dhomën e Përfaqësuesve, me parashikimet për fitore në Florida dhe Konektikat.
Të martën u votua për 35 vende në senatin me 100 anëtarë
dhe për të 435 vendet e Dhomës së Përfaqësuesve. //kk//
Republikanët po paralajmërojnë se nëse demokratët mbizotërojnë në dy dhomat e Kongresit dhe presidencën, ata mund të ngrenë taksat dhe të financojnë programe të tjera pa u sfiduar.