Presidenti i
zgjedhur, Barak Obama, bëri thirrje për dorëheqjen e guvernatorit të shtetit Ilinoit,
Rod Blagojeviç, një ditë pasi guvernatori demokrat u arrestua nën akuzat se u
përpoq të shiste vendin në senat, që ka mbetur bosh pas fitores së zotit Obama
në zgjedhjet e 4 nëntorit.
Një zëdhënës i zotit Obama tha se presidenti i zgjedhur mendon se në rethanat aktuale guvernatori do ta ketë të vështirë të bëjë punën e tij dhe t’i shërbejë popullit të Ilinoit.
Guvernatori Blagojeviç u arrestua dje në shtëpinë e tij në Çikago.
Hetuesit
federalë thanë se guvernatorit u përgjuan bisedat telefonike në të cilat
përpiqej të përfitonte personalisht në procesin për të caktuar personin që do
të zëjë vendin e Presidentit të zgjedhur Obama. Zoti Blagojeviç doli dje para
një gjykatësi federal dhe më pas u lirua me kusht. Prokurori federal në Çikago,
Patrik Fitxherald, tha se guvernatori u përpoq ta përdorte pozitën e tij për
përfitime personale. //rd//