Kina dhe Shtetet e Bashkuara po shënojnë 30 vjetorin e marrëdhënieve diplomatike.
Presidenti amerikan Bush dhe homologu i tij kinez Hu Jintao shkëmbyen mesazhe urimi dhe u zotuan të punojnë së bashku për të çuar përpara paqen, qëndrueshmërinë dhe mirëqenien.
Presidenti Bush shkruante në një letër dërguar presidentit kinez se qeveritë kineze dhe amerikane kanë bashkëpunuar vitet e fundit për të përballuar sfidat globale si terrorizmi, epidemitë dhe përhapja e armëve bërthamore.
Zoti Hu tha se Kina ka vullnetin ta forcojë edhe më tej dialogun dhe marrëdhëniet me Shtetet e Bashkuara. //ii