Njerëzit me sindromë metabolike janë gjithnjë e më shumë në rrezik për t’u prekur nga sëmundje në zemër për shkak të nivelit jo normal të sheqerit në gjak, kolesterinës dhe presionit të gjakut. Sipas një studimi, shtimi në dietën mesdhetare i një sasie të vogël arrash, bajamesh ose lajthish mund t’i ndihmojë ata që të përmirësojnë gjendjen e tyre.
Dieta mesdhetare – e pasur me perime, peshk dhe mish – lidhet me rastet e përmirësimit të gjendjes së pacientëve me diabet e sëmundje në zemër. Por përshtatja e kësaj diete mund të sjellë përfitime të tjera më të mëdha. Shkencëtarët në Spanjë zgjodhën 1200 vetë për të ndjekur një dietë mesdhetare me pak yndyrna, duke i shtuar vaj ulliri, dhe dietë mesmdhetare duke i shtuar cdo ditë disa ara, bajame ose lajthi.
Rezultatet treguan se personat që shtuan arra në dietën e tyre kishin 70 përqind gjasa për të rregulluar metabolizmin e tyre, në krahasim me personat që përdorën ditetë me yndyrna të pakta. Në përgjithësi, 14 përqind e atyre konsumuan çdo ditë arra përmirësuan funksionet e metabolizmit, krahasuar me 7 përqind të atyre që konsumuan vaj ulliri dhe vetëm 2 përqind të atyre që përdorën dietë me undyrna të pakta.
Shumë kompani tani ofrojnë shpërblime financiare për të nxitur punojësit e tyre që të bien nga pesha. Por a është i efektshëm shpërblimi financiar? Një studim i ri tregon se po, të paktën për një farë kohe. Njerëzit që u paguan për të rënë nga pesha, humbën 3 herë më shumë kilogram sesa ata që nuk u shpërblyen për këtë qëllim.
Sipas studimit, paraja mund të jetë një faktor motivues i fuqishëm për të ulur peshën trupore. Mjekët pranë universitetit të Pensilvanisë morrën në shqyrtim 57 persona që përpiqeshin për të rënë nga pesha gjysmë kilogrami në ditë për 16 javë. Ata u ndanë në dy grupe. Pjesmarrësve të njërit grup nuk iu dha shpërblim financiar për të rënë nga pesha. Antarëve të grupit tjetër iu dha një shumë prej 100 dollarësh secilit. Në fillim të studimit, këtyre iu tha që të depozitonin një shumë të hollash në ditën e parë të çdo muaji. Në se binin nga pesha atyre iu ktheheshin paratë si dhe u jepej një shumë tjetër si shpërblim. Rezultatet treguan se personat e paguar për të rënë nga pesha humbën 6 kilogram ose tre herë më shumë sesa personat e grupit tjetër që humbën vetëm 2 kilogram. Por kur ndikimi i parave u hoq, gjendja ndryshoi. Autorët e studimit thonë se 7 muaj më vonë, këta persona kishin rifituar 25 deri 50 përqind të kilogramëve të humbur, gjë që lë të kuptohet se njerëzit kanë nevojë për një nxitje të brendëshme apo vullnet, dhe se se pakësimi i peshës trupore duhet të shihet më tepër si shpërblim dhe jo si detyrim.