Në
Shqipëri, Prokuoria e Përgjithshme i dha fund hetimeve për ngjarjen e
Gërdecit dhe i komunikoi sot akuzën e shpërdorimit të detyrës ish
ministrit të Mbrojtjes Fatmir Mediu, tre ish gjeneralëve të Shtabit të
Përgjithshëm përfshirë edhe ish shefin e tij Luan Hoxha si dhe disa ish
funksionarëve të tjerë të ministrisë së Mbrojtjes. Janë 11 persona
ushtarakë e civil të cilët janë marrë të pandehur dhe do të jenë pjesë
e procesit të ardhshëm gjyqësor.