Media shtetërore në Kinë thotë se qeveria në rajonin perëndimor të Xinjiangut ka shpallur ndalim qarkullimin pas trazirave me karakter etnik që kanë paralizuar qytetin kryesor të Urumqit.
Zyrtari më i lartë i qytetit, udhëheqësi i Partisë Komuniste Li Zhi, tha sot se autoritetet po ashtu po bllokojnë shërbimin e telefonave dhe atë të internetit në disa pjesë të qytetit, me qëllim që të parandalojnë trazira të mëtejshme. Zëdhënësi i Minstrisë së Jashtme Kineze, Kin Gang, tha se forcat e huaja po i shfrytëzojnë këto shërbime për të nxitur dhunën.
Të dy zyrtarët fajësuan në mënyrë specifike emigranten ujgure në SHBA, Rebija Kadir, për organizimin e protestave të së dielës, që kanë shkaktuar të paktën 156 të vdekur. Zonja Kadir ka hedhur poshtë akuzat se ka lidhje me trazirat.
Klubi i korrespondentëve të huaj të Kinës u ankua se forcat e sigurimit në Xinjiang ndaluan dhe keqtrajtuan ekipet e kanaleve të huaja televizive dhe reporterë të tjerë.
Edhe sot, pati trazira të tjera, ku ujgurët
myslimanë dhe kinezët Han u përkeshën me policinë në incidente të veçanta. //rd//