Ambasadori i Shteteve të Bashkuara në Prishtinë, Christopher Dell i siguroi edhe sot qytetarët e Kosovës për vazhdimësinë e mbështetjes amerikane. Në një ceremoni me rastin e nxjerrjes në qarkullim të një pulle të posaçme postare kushtuar miqësisë së Kosovës me Amerikën, u tha se roli i Shteteve të Bashkuara është i pazëvendësueshëm për proceset politike në Kosovë.