Arkeologët shqiptare në bashkëpunim me ata amerikanë gjatë kërkimeve për të krijuar hartën digjitale nënujore të Shqipërise, kanë zbuluar edhe pjesët e një anijeje luftarake britanike që u përplas në minat detare në jug të Sarandës. Ngjarja e njohur si incidenti i Kanalit të Korfuzit, pohojnë studiuesit, tani mund të ndriçohet në dritën e fakteve të reja mbi vendndodhjen, ku edhe krijohet mundësia për të nderuar 44 ushtarakët e vrarë nga shpërthimi.