Kryeministri Sali Berisha njoftoi sot se Shqipëria ka vendosur t'i përgjigjet nismës se Presidentit amerikan Barak Obama lidhur me Afganistanin duke shtuar me 85 trupa të tjera, numrin e forcave të saj ushtarake atje.
Shqipëria ka aktualisht në Afganistan dy kompani, njëra prej të cilave u dërgua në muajin gusht pak përpara zgjedhjeve presidenciale.
Për herë të parë ajo do të ketë tani edhe trupa luftimi.
Kryeministri Berisha e njoftoi këtë vendim pas një takimi që pati me të dërguarin e posacëm amerikan për Guantanamon Daniel Frid dhe ambasadorin amerikan ne Tirane Xhon Uidhers.
Kryeministri Berisha rikonfirmoi gatishmërinë e Shqipërisë për të pritur ish të burgosur të tjerë të Guantanamos, por jo më ujgurë saktësoi ai, duke shpjeguar se Tirana nuk dëshiron të komplikojë raportet me Pekinin. //ii