Koreja e Veriut po jep shenja se mund të tërhiqet nga traktati për mospërhapjen e armëve bërthamore, një hap që do ta shkallëzonte më tej krizën mbi programin e saj bërthamore. Koreja e Veriut fajëson Shtetet e Bashkuara për prishjen e një marrëveshjeje të vitit 1994, sipas së cilës Pheniani binte dakord të respektonte traktatin botëror për kontrollin e armëve dhe të pezullonte programin e saj bërthamor në shkëmbim të furnizimit me energji. Koreja e Veriut thotë se dëshiron të zhvillojë bisedime të drejtpërdrejta me Shtetet e Bashkuara por administrata e Presidentit Bush thotë se më parë ky vend duhet të heqë dorë nga ambiciet bërthamore. Sekretari i Shtetit Colin Powell tha se Shtetet e Bashkuara do të përdorin mjetet diplomatike, politike dhe ekonomike për ta zgjidhur këtë çështje.