Ministrat e Mbrojtjes të Bashkimit Evropian thonë se forca e tyre e ndërhyrjes së shpejtë është e gatshme për një program të plotë operacionesh paqeruejtëse.
Mirëpo, gjatë takimit të tyre në Bruksel, ministrat thanë se mungesa e mjeteve kufizon aftësinë e forcës për dislokim të shpejtë, për të mbojtur vetëveten, në rast të shkallëzimit të një konflikti dhe për të reaguar njëherësh ndaj më tepër se një rasti urgjent.
Ministrat e Mbrojtjes u zotuan se do të intensifikojnë përpjekjet për pajisjen e forcës me mjete të tilla si avionë transporti, pajisje për furnizimin me karburant, armë të precizionit të lartë dhe pajisje për mbrojtje nga sulmet me armë kimike dhe biologjike.// lk //