Nga shpërthimi i një makine-bombë në një rrugë me trafik të dendur të Bagdatit humbën jetën të paktën 4 vetë dhe u plagosën më tepër se 20 të tjerë.
Shpërthimi ndodhi pranë zyrave administrative të Shteteve të Bashkuara, pothuajse në të njejtin vend, ku para dy javësh u vra me atentat kryetari i Këshillit Qeverisës Irakian.
Zyrtarët thonë se shumica e viktimave ishin kalimtarë të rastit. Ndërkohë, dy ushtarë amerikanë u vranë së bashku me një numër milicësh irakianë besnikë të një kleriku të kërkuar pranë qyteteve jugore Najaf dhe Kufa.
Një gazetar i CNN-it pranë forcave amerikane tha se luftime të ashpra shpërthyen mbrëmë kur trupat amerikane po përpiqeshin të siguronin një stacion policie.//ii