Kryeministri irakian, Ijad Allaui, i bëri thirrje Asamblesë së Kombeve të Bashkuara për më shumë ndihmë për vendin e tij të trazuar.
Zoti Allaui u bëri thirrje dje vendeve paqedashëse të qëndrojnë përkrah Irakut, duke thënë se vendit të tij i nevojiet ndihmë e menjëhershme.
Ai tha se regjimi i Sadam Huseinit e ka lënë vendin në amulli, por shtoi se tani Iraku po punon për të rimëkëmbur ekonominë dhe për të nxitur kulturën.
Kryeministri vuri në dukje se shumë vende kanë kundërshtuar luftën e udhëhequr nga Shtetet e Bashkuara për të përmbysur paraardhësin e tij dhe tha se ato divergjenca nuk duhet të bllokojnë mbështetjen e tyre për Irakun në përpjekjet e tij për demokraci dhe liri.
Zoti Allaui kishte në plan të takohej dje edhe me Sekretarin e Përgjithshëm të OKB-së, Kofi Anan, për diskutime rreth shqetësimeve të sigurimit në lidhje me zgjedhjet kombëtare irakiane të planifikuar për në janar.