Prishtinë: Qëndrimi zyrtar për përfaqësimin rajonal të Kosovës nxit reagime

Prishtina zyrtare është shprehur e gatshme që të pranojë përfaqësimin e Kosovës në forumet rajonale me një shënim, ku do të përfshiheshin Rezoluta 1244 e Këshillit të Sigurimit të Kombeve të Bashkuara, deklarata e pavarësisë së Kosovës dhe opinioni i Gjykatës Ndërkombëtare të Drejtësisë mbi pavarësinë. Ky pajtim ka nxitur reagime të ashpra të opozitës në Kosovës e cila druan se në këtë mënyrë është dëmtuar shtetësia e Kosovës.