Këshilli i Sigurimit i OKB-së po shqyrton sot projektrezolutën, e cila do t’i jepte fund gjakderdhjes në Siri, me një amendament që synon të kapërcejë kundërshtimet e Rusisë. Ambasadorët në Këshillin e Sigurimit thonë se projektrezoluta e re do t’i çohet për vlerësim qeverive të tyre, por se nuk është e qartë në se ky variant do të miratohet nga Këshilli i Sigurimit prej 15 anëtarësh.
Dje Ambasadorët e Këshillit nuk mundën të arrijnë një marrëveshje mbi projekt-rezolutën euro-arabe për t’i dhënë fund gjakderdhjes në Siri, pas një sesioni të tretë radhazi me bisedime.