Të paktën 32 persona u plagosën sot, kur një autor sulmi vetëvrasës me bombë hodhi veten në erë në qendër të Stambollit. Autori i sulmit kishte si objektiv një autobuz me policë, por shumica e të plagosurve ishin civilë.
Disa prej tyre u plagosën rëndë. Askush nuk e ka marrë përgjegjësinë për sulmin, por ai ndodh pikërisht në ditën kur ishte në plan të skadonte afati i armëpushimit nga Partia e Puntorëve të Kurdistanit, PKK.
Kreu i forcave të sigurisë së Stambollit, Oguz Kahn Koksal tha se ka filluar hetimi lidhur me sulmin e sotëm.