Anija amerikane e hapësirës Endevër u kthye në Tokë sot në agim pasi përfundoi udhëtimin e fundit në Stacionin Ndërkombëtar Orbital.
Komandanti Mark Kelly dhe ekuipazhi i tij u ulën pa probleme në qendrën e hapësirës Kennedy në Florida. Ishte kjo e 25-ta herë që agjencia amerikane e hapësirës NASA ul një anije kozmike në errësirë.
Endevër kaloi më shumë se dy javë në hapësirë pasi çoi një dedektor rrezesh kozmike 2 miliardë dollarësh dhe pjesë të tjera në stacionin e hapësirës.