Lidhje

Policia franceze ndalon të dyshuar si terroristë


Prokurori i Parisit i tha gazetarëve sot se ndalimi i 12 të dyshuarve si militantë radikalë islamistë u krye pas “një zhvillimi të rëndësishëm“

Policia franceze ka bërë të mundur brenda për 24 orëve të fundit ndalimin e një grupi terrorist të dyshuar, mbasi gjeti materiale për prodhimin e bombave në një vend parkimi të mbyllur në rrethinat e Parisit.

Prokurori i Parisit Francois Molë u tha gazetarëve sot se ndalimi i 12 të dyshuarve si militantë radikalë islamistë u krye mbas “një zhvillimi të rëndësishëm“ në hetime sipas fjalëve të tij.

Përpara kësaj deklarate, po sot zoti Molë tha se gjatë natës u arritën të kapeshin në rrethinën e Parisit Torcy disa pajime, mes tyre nitrat kaliumi, sulfur, si dhe elementë të tjerë që përdoren për prodhimin e pajisjeve shpërthyese.

Ai tha se policia zbuloi mes të tjerash edhe dy armë, mbas një informacioni të dhënë nga një prej të ndalurve si të dyshuar si ekstremistë islamikë.

Trego komentet

XS
SM
MD
LG