Lidhje

Gërdeci, Familjarët kërkojnë proces ndaj ministrit Mediu

  • Armand Mero

Në Shqipëri familjarët e viktimave të shpërthimit të Gërdecit ku katër vjet më parë humbën jetën 26 persona, kërkuan sot nisjen e procesit gjyqësor ndaj ministrit të atëhershëm të mbrojtjes Fatmir Mediu, pas hyrjes sot në fuqi të ligjit për heqjen e imunitetit.

Ish ministri Mediu u përfshi në hetimet e zhvilluara nga prokuroria, pasi parlamenti i hoqi imunitetin në vitin 2008. Dosja e tij u dorëzua në Gjykatën e Lartë për nisjen e procesit gjyqësor, i cili nuk nisi asnjëherë duke qenë se pas zgjedhjeve të 2009 ai rifitoi imunitetin ndërsa prokuroria nuk kërkoi më që atij t’I hiqej kjo mbrojtje.

Në kërkesën e tyre familjarët i kujtojnë Prokurores së Përgjithshme se tashmë, sipas tyre, nuk ka asnjë arsye përse procesi të mos rihapet, duke qenë se pengesa e imunitetit nuk ekziston më.

Trego komentet

XS
SM
MD
LG