Në Kosovë, Ministri i punëve të jashtme, Skënder Hyseni, tha sot se Prishtina po punon ngushtë me aleatët e saj kundër miratimit të Rezolutës së Serbisë në Asamblenë e Përgjithshme të Kombeve të Bashkuara, por nuk do të paraqesë ndonjë rezolutë të saj. Ai tha se opinioni i Gjykatës Ndërkombëtare të Drejtësisë i ka dhënë fund çështjes së statusit të Kosovës si një rast i veçantë në botë, ndërkohë që u ka dhënë fund arsyeve ligjore për të gjitha ato shtete që kanë qenë në mëdyshje rreth njohjes së pavarësisë së Kosovës.