Aktivistë sirianë thonë se Shteti Islamik ka rimarrë nën kontroll një qytet me rëndësi strategjike në provincën Homs të Sirisë.
Forcat qeveritare kishin arritur të sprapsin ekstremistët e ISIS nga qyteti Mheen dhe fshatrat përreth dy javë më parë, pas një ofensive për të vënë nën kontroll rrugën kombëtare në veri-perëndim, drejt Damaskut.
Rikthimi i ISIS në qytet, shënon një goditje të fortë ndaj strategjisë së forcave qeveritare për të forcuar korridorin e lëvizjes rrugore me mbështetjen e trupave ruse.
Organizata Vëzhguesi Sirian për të Drejtat e Njeriut thotë se luftimet vazhdojnë mes forcave qeveritare dhe ekstremistëve.