Në Kosovë, kryeministri Isa Mustafa tha të premten se marrëveshjet me Serbinë nuk janë më të mirat, por janë rruga e shtrirjes së sovranitetit edhe në veriun e vendit.
Katër marrëveshje, në mesin e të cilave edhe ajo për asociacionin e komunave me shumicë serbe, të nënshkruara të martën në bisedimet e ndërmjetësuara nga Bashkimi Evropian, kanë nxitur kundërshtimin e partive opozitare, të cilat e shohin atë si rrugë të krijimit të pushtetit të tretë në Kosovë.
