Në Tiranë, përfaqësues të policisë shqiptare dhe të Guardia di Finanza italiane zhvilluan një takim koordinues për mbikëqyrjen ajrore operacionale me fluturime mbi territorin shqiptar. Protokolli i Operacioneve përfshin fluturime gjatë qershor - shtator 2016, sipas marrëveshjes së 4 vjetëve më parë.
Zëvendës-drejtori i policisë së shtetit, Rebani Jaupi paraqiti rezultatet e luftës kundër kultivimit të bimëve narkotike në periudhën e parë të këtij viti. Zoti Jaupi u komandua si drejtor i Policisë së Shtetit, pas pezullimit të zotit Haki Çako për shkak të hetimeve mbi përgjimet e dyshuara. Zoti Jaupi tha se bashkëpunimi me Policinë Italiane po e përmirëson më tej punën e Policisë Shqiptare dhe po bën më të vendosur për të goditur narkotikët dhe trafiqet e çdo lloji.
Me miratimin e palës italiane, monitorimi ajror do të vazhdojë në të gjitha zonat problematike.
Të dy palët kanë hartuar një plan veprimi për monitorimin e përbashkët ajror, i cili ka qenë i suksesshëm vitet e fundit.
Përfaqësues i Delegacionit italian Karlo Verdilione vlerësoi bashkëpunimin shqiptar dhe rezultatet e përbashkëta kundër krimit. Monitorimi i përbashkët, tha ai, ka sjellë tre vitet e fundit një rritje konstante të rezultateve.