Lidhje

Tiranë: Opozita bashkohet për dekriminalizimin


Partitë e opozitës deklaruan sot njëzëri se dekriminalizimi i politikës është për to kërkesa kryesore e vendit, së bashku me një proces zgjedhor të lirë e demokratik.

Partia Demokratike mblodhi sot në një tryezë aleatët e saj për të bashkërenduar veprimtarinë e mëtejshme të tyre, duke zyrtarizuar tryezën opozitare.

Kryetari i Partisë Demokratike, Lulzim Basha deklaroi pas takimit të opozitës në emër të përfaqësuesve të forcave opozitare se ngritja e tryezën e opozitës po i paraprin organizimit të zgjedhjeve të lira e të ndershme, dhe hartimit të platformës së re politike në to.

Po ashtu u bashkuan në një qëndrim të njëjtë për dekriminalizimin e qarqeve politike.

“Unifikuam qëndrimin për dekriminalizimin e politikës. Zbatimi i ligjit të dekriminalizimit është një domosdoshmëri urgjente për stabilitetin politik të Shqipërisë, në kushtet kur personat me rekorde të tmerrshme kriminale dhe banditët e armatosur me mandat deputeti në gjirin e mazhorancës përbëjnë një rrezik të përditshëm për shëndetin dhe jetën e qytetarëve” - tha kryetari i Partisë Demokratike.

Zoti Basha tha se incidentet dhe sulmet e fundit fizike ndaj përfaqësuesve të opozitës në disa qytete po frymëzohen nga kryeministri Edi Rama, sepse ai nuk po zbaton ligjin mbi dekriminalizimin, mban afër dhe nxit për dhunë politike kundër opozitës personat me të dhëna kriminale, të cilët e sollën në pushtet.

Aleanca opozitare po kërkon zgjedhjeve të lira, ku votuesit të mos kërcënohen, ku të mos shtrembërohet vullneti i tyre dhe ku të ndalohet shit-blerja e votës.

Opozita ka hartuar propozime konkrete, të cilat do t’i paraqesë në dialogun politik me koalicionin e majtë.

Nga ana tjetër partitë e majta kanë shprehur gadishmëri si për dekriminalzimin ashtu edhe për plotësimin e rekomandimeve të OSBE mbi përmirësimin e procesit zgjedhor.

Forcat kryesore parlamentare u përfshinë në kundërshtime të reja seancën e fundit për amendamente në ligjin e sapomiratuar të dekriminalizimit, madje deputetët e opozitës kushtëzuan pjesëmarrjen e tyre në parlament me zbatimin e dekriminalizimit, por ende mungojnë disa akte nënligjore për ta realizuar këtë.

Trego komentet

XS
SM
MD
LG