Maqedoni: Debate për projekt-buxhetin mes partive shqiptare

Projekti i buxhetit që ka hyrë në procedurë parlamentare, ka nxitur debate dhe zënka midis partive shqiptare në Maqedoni. Ndërkohë që partia në pushtet, Bashkimi Demokratik për Integrim pohon se njëzet e pesë përqind e buxhetit do të ndahet për zonat dhe projekte shqiptare, opozita shqiptare vlerëson se vetëm 3 deri në 4% do të akordohet për shqiptarët dhe se këta të fundit po vazhdojnë të diskriminohen.