Mospërfshirja e Maqedonisë në axhendën e takimit të nivelit të lartë të Bashkimit Evropian, ka shkaktuar debate në vend. Ndërkohë ka edhe mendime se këtij vendi mund t’i hiqet statusi “kandidat për anëtarësim në BE”. Zhvillimet në Bruksel kanë bërë që raportet midis partnerëve të koalicionit qeveritar maqedonas të ftohen edhe më shumë. Ngecja në procesin e integrimeve ka një emërues të përbshkët: çështjen e pazgjidhur të emrit të Maqedonisë.
