Parlamenti shqiptar përfshin në rendin e ditës ligjin për shërbimet sekrete

Në Shqipëri parlamenti përfshiu në rendin e ditës së seancës së sotme ligjin e shumë diskutuar për shërbimet sekrete. Ky ligj hasi në kundërshtime të forta ndërkombëtare marsin e kaluar kur u propozua nga qeveria dhe mori pëlqimin edhe të komisioneve të parlamentit. Por falë presionit ndërkombëtar dhe ndërhyrjes direkte të Sekretarit të Përgjithshëm të NATO-s Anders Fogh Rasmussen, ditën e parashikuar për t’u votuar ai u la jashtë rendit të punimeve. Por tani , ligji është rikthyer në të njëjtin variant pa pësuar ndryshime.