Anëtarët e partive rivale maqedonase e miratuan sot raportin e Komisionit për ndriçimin e ngjarjeve të dhunshme në Parlament, dhjetorin e kaluar. Partia VMRO thotë se u detyrua ta nënshkruajë raportin ashtu siç deshi ta përpilojë opozita, për shkak të interesave madhore të vendit. Partitë shqiptare qëndruan mënjanë zhvillimeve që buronin nga incidentet e 24 dhjetorit. Ndërkohë, propozimi, në këtë kuadër, i kryeministrit maqedonas Nikolla Gruevski për zgjedhje të parakohshme, nuk po pranohet nga partitë tjera.
