Në Kosovë, sistemi gjyqësor vazhdon të jetë më i kritikuari, ndërsa autoritetet kanë bërë thirrje për reformimin e tij si kusht për forcimin e luftës kundër korrupsionit dhe krimit të organizuar. Kryetari i Këshillit Gjyqësor të Kosovës, Enver Peci, i tha Zërit të Amerikës se reforma ka filluar por ajo kërkon kohë dhe deri në përfundimin e saj, sistemi gjyqësorë do të përballet me shumë vështirësi që janë pasojë e shumë faktorëve, përfshirë edhe gjendjen e rëndë financiare.