Një këshill i përbërë nga disa vende arabe ka pezulluar përpjekjet e ndërmjetësimit, pasi Presidenti i Jemenit Ali Abdullah Saleh nuk pranoi të nënshkruante një marrëveshje për kalimin e pushtetit.
Këshilli për Bashkëpunim në Gjirin Persik e mori vendimin dje, pasi zoti Saleh u tërhoq nga marrëveshja një ditë pas nënshkrimit të marrëveshjes nga opozita jemenase me parashikimin se presidenti do ta nënshkruante dje. Është hera e tretë që Presidenti jemenas refuzon nënshkrimin e marrëveshjes.
Në bazë të këtij propozimi, zoti Saleh do të gëzonte imunitet nga ndjekja penale, nëse ia transferonte pushtetin një zëvendësi brenda 30 ditësh nga nënshkrimi i dokumentit.