Në Prishtinë, përfunduan të qeta protestat e sotme të lëvizjes Vetëvendosje, e cila kundërshton bisedimet ndërmjet Kosovës dhe Serbisë. Gjatë protestës së sotme u bë thirrje për lirimin e veprimtarëve të kësaj lëvizjeje që po mbahen në arrest pas protestave të së hënës që u karakterizuan nga përplasje të dhunshme, që lanë pas vetes edhe dhjetra të lënduar. Kryeministri i Kosovës, Hashim Thaçi, i bëri thirrje sot lëvizjes Vetëvendosje që të mos e zhvendosë në rrugë debatin parlamentar.