Në Kosovë, autoritetet janë vënë në përpjekje për ngritjen e Gjykatës së posaçme, që do të trajtojë pretendimet për përfshirje të ish pjesëtarëve të Ushtrisë Çlirimtare të Kosovës në krime lufte. Ngritja e kësaj gjykate që është detyrim i marrë nga institucionet e vendit, po kundërshtohet nga opozita e cila ka paralajmëruar votimin kundër. Por, analistët në Kosovë thonë se mos themelimi i kësaj gjykate do të kishte pasoja të mëdha për të ardhmen e shtetësisë së Kosovës dhe do të dërgonte mesazhe të këqija te partnerët e saj ndërkombëtarë.