E shtunë, 13 shkurt, 2016

    Lajme / Ballkani

    Shqipëria ka disa ditë kohë të përmbushë kërkesat e KE

    x
    Shqipëria ka vetëm disa ditë kohë për të përmbushur kërkesat e Komisionit europian në mënyrë që t’i hapë rrugë propozimit për dhënien e statusit të vendit kandidat.



    Por palët politike gjenden ende larg një kompromisi për miratimin e ligjit për nëpunësin civil, gjykatën e Lartë dhe rregulloren e parlamentit. Cështja e zhbllokimit të situatës për qarkun e Fierit është ende një pengesë serioze e po ashtu edhe një pikë në rregulloren e parlamentit që lidhet me hapësirën e opozitës për të patur mundësinë e përgjigjes ndaj cdo ndërhyrjeje të kryeministrit. Të dyja palët akuzojnë njëra tjetrën si përgjegjëse të bllokimit të situatës.
     
    Seanca e ardhshme parlamentare e së enjtes mund të konsiderohet si mundësia e fundit që Shqipëria të përmbushë kërkesat e Brukselit për dhënien e statusit. Komisioni europian ka bërë një rekomandim pozitiv në tetor por duke e kushtëzuar me miratimin e ligjit për Gjykatën e Lartë, atë të Nëpunësit civil dhe Rregulloren e parlamentit, dhe përpara mbledhjes së Këshillit të ministrave të vendeve anëtare, Komisioni duhet që javën e ardhshme të informojë nëse këto kushte janë plotësuar.
     
    Por situata politike në vend nuk duket aspak premtuese. Të dyja palët nuk kanë lëvizur nga qëndrimet e tyre. Ligji për Gjykatën e lartë ka mbetur i bllokuar nga problemi i qarkut të Fierit, për të cilin opozita thotë se janë një seri vendimesh gjykate që i japin të drejtë asaj.

    Kryeministri Sali Berisha përsëriti variantin e mbajtjes së mocionit të mosbesimit ndaj përfaqësuesve të shumicës në qarkun e Fierit, një praktikë të cilën vetë socialistët tha ai e kanë aplikuar në disa komuna e bashki të këtij qarku. "A mund të ketë praktike më ligjore, më të drejtë, por edhe me dinjitoze se ajo që unë i ofroj zotit Rama? Unë i ofroj zotit Rama, atë praktikë, për të cilën ai  ka mbledhur firmat, për ta praktikuar në Dermenas, në Bashkinë e Divjakës,  e ka praktikuar në Komunën Bubullimë dhe ka dashur ta praktikojë në Komunën  Fier-Shegan", tha zoti Berisha.  
     
    Por socialistët kanë refuzuar këtë propozim i cili sipas tyre është anti ligjor pasi për këtë cështje këmbëngulin ata janë shprehur gjykatat. Një tjetër ngërc është edhe reforma parlamentare e mbetur pezull vetëm në përcaktimin e ndërhyrjeve në parlament të kreut të opozitës ndaj deklarimeve të kryeministrit. Zoti Berisha ka thënë se ka rënë dakort që replika e opozitës të jetë 10 minuta e jo dy sa c’është tani. Por socialistët këmbëngulin se cështja shtrohet te trajtimi i barabartë dhe jo te koha e se sipas tyre e drejta e replikës duhet të jetë ndaj cdo ndërhyrjeje të kryeministrit. Por sipas zotit Berisha kjo do të barazonte kreun e opozitës me atë të qeverisë dhe kjo nuk mund të ndodhë.
     
    Kryeministri I bëri thirrje opozitës të mos bllokojë procesin e integrimit. "Edhe njëherë i bej thirrje, pasi ditën e enjte është afati i fundit. Ligjet janë gati. Le të ulen sëbashku, përfaqësuesit e grupeve të komisioneve dhe në prag të këtij përvjetori të madh, por edhe në prag të një  vendimi që pritet, në datën 20, nga Komisioni Europian, të përmbushim detyrimin tonë ndaj vendit".
     
    Por socialistët fajësojnë direkt kryeministrin për bllokimin e mundshëm të dhënies së statusit pasi sipas tyre me ngërcin e qarkut të Fierit ai po dëshmon mosrespektin e shtetit të së drejtës, një nga objektivat kryesore të Brukselit.
     
    Me miratimin e dy ligjeve dhe reformës parlamentare Shqipëria do të plotësonte të paktën detyrimet e saj direkte, duke i hapur rrugë propozimit të pakushtëzuar të Komisionit dhe gjithshka do të ishte më pas në dorën e vendeve anëtare ku megjithate nuk mungon skepticizmi ndaj plotësimit të angazhimeve nga ana e Shqipërisë.
    Ky forum është mbyllur
    Përzgjedhja e komenteve
    Komente
         
    nga: gjergj fishta nga: shkoder
    13.11.2012 16:37
    Jeta e shqiptareve denohet nqs opozita luan rolin e nje greve politike,kur ka bojkot ligjesh i bie qe opozita te jete ne greve urie dhe shfrytzon rastin qe kryeministri yne paranonjak te bindet?
    Ne fund humb populli shqiptar pavaresisht se deputetet marrin rrogat me taksat e popullit shqiptar dhe atij evropian?


    nga: bio metri nga: Tirane
    13.11.2012 15:18
    Berisha i thote Rames qe po e mban peng integrimin me Fierin. Pra ky Rama duhet prape me u terheq sic ben gjithmone. Nje pyetje per Saliun: Pse mos themi qe po e mban ti peng integrimin me fierin? Terhiqe TI kandidatin tend qe e ka marre pushtetin ne fier ne tavoline jo sipas vullnetit te votueve fierake. Terhiqe TI dhe hapi rruge integrimit


    nga: Ollga nga: Canada
    12.11.2012 22:46
    Nderkombetaret jan bere te neveritshem me gjoja kushtet,Sali Berisha i mori te gjitha pushtetet dhe nuk respekton asnje ligj dhe vendim gjykate kur si pelqen,kurse Washingtoni dhe Brukseli i bien fyellit ne nje vrime.E cfar rendesie kan ato ligje kur cdo gje varet nga oreksi i Saliut?!


    nga: Ilir nga: UK
    12.11.2012 21:51
    Pengese per Shqiperine eshte krimi i organizuar, korrupsioni dhe pabarazia para ligjit.

    Tentativa per ti dhene ngjyre politike debatit eshte ofenduse dhe nuk prek problemet e thella shqiptare.


    nga: Anonim
    12.11.2012 18:53
    PRESIDENTI I REPUBLIKES TE SHQIPERISE Z NISHANI DUHET TI THERASE TE DY LIDERET Z SALI BERISHA DHE Z EDI RAMA PER TE BERE KOMPROMISIN HISTORIK NE MIRATIMIN E TRE LIGJEVE DHE MARJEN E STATUSIT KANDIDAT PER NE BE..Z NISHANI SI KRYETAR I KLD TE VER NE PUNE POSTIN QE TE KANE DHENE ZBATO VENDIMIN E GJYKATES TE LARTE PER QARKUN E FIERIT,MOS U BEJ SEHIRXHI SEPSE HISTORIA DO TE DENOJE,NE REGULLOREN E PARLAMENTIT DUHET TE NEGOCOHET QE KOHA DUHET TE JETE E BARABARTE MIDIS POZITES DHE OPOZITES..Z NISHANI JE KREU I SHTETIT DHE KRYETAR SIGURISE KOMBETARE ZBATO VENDIMET E GJYKATES TE LARTE PER QARKUN E FIERIT..Z NISHANI MER NE DORE SEPSE NE DORE ORGANET E SIGURISE KOMBETARE PER TE LUFTUAR KRIMIN E ORGANIZUARE DHE VECANRISHT NE FSHATIN LAZARAT MBILLET CANABIS SATIVA DHE SHITET NE GREQI..NUK MUND TE NDESHKOHEN NE MENYRE KOLEKTIVE TE GJITHE SHQIPETARET PER NJE FSHAT..

    Ditari

    Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
    Ditarii
    X
    12.02.2016
    Emisioni televiziv Ditari

    LAJME

    Maqedoni: Prokurorja Speciale nis hetime

    Hetimet në procesin e quajtur “Titanik”, përfshijnë ministra, gjykatës, noterë dhe zyrtarë të lartë të dyshuar për mashtrim zgjedhor
    Më tepër

    Qëndrimi ulur dhe tkurrja e trurit

    Një studim i ri zbulon se qëndrimi ulur në kolltuk duke parë televizor, në vend të ushtrimeve fizike, mund të shkaktojë tkurrjen e trurit tek të moshuarit.
    Më tepër

    USAID dhe fermerët në Malësi të Madhe

    Malësia e Madhe është zona ku grumbullohet sasia më e madhe e bimëve mjeksore, që eksportohen në SHBA.
    Më tepër

    BE, ultimatum Greqisë për kontrollin kufitar

    BE i dha Greqisë tre muaj afat të ndreqë problemet, përndryshe do të përballet me pezullim të antarësimit në Zonën e Shengenit për lëvizjen pa viza
    Më tepër

    Obama dhe fushata presidenciale

    Presidenti amerikan që mori pjesë në disa aktivitete politike për mbledhje fondesh për Partinë Demokrate në Kaliforni, tha se vendi është në një moment të rëndësishëm politik
    Më tepër

    FOTO E DITËS

    Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
    • Thousands of faithful are coming to the Basilica of Our Lady of Guadalupe where Pope Francis will celebrate Mass on Feb. 13, Mexico City. (C. Mendoza/VOA)
    • Security was tight days ahead of the papal visit, Mexico City. (C. Mendoza/VOA)
    • Images of Pope Francis are plastered all over Mexico City. (C. Mendoza/VOA)
    • A statue of Pope John Paul is seen near the Basilica of Our Lady of Guadalupe, Mexico City. (C. Mendoza/VOA)
    • Women drop off flowers at the Basilica of Our Lady of Guadalupe ahead of the papal visit, Mexico City. (C. Mendoza/VOA)
    • Pilgrims of all ages make their way to the Basilica of Our Lady of Guadalupe to see Pope Francis, Mexico City. (C. Mendoza/VOA)

    Interaktive

    Nuk keni telefon inteligjent?
    Nuk ka problem!
    Shkarkoni falas aplikacionin e VOA në telefonin tuaj.

     Shkarkoni aplikacionin mobil për tipin e telefonit tuaj.