Qytetet e mëdha kineze kanë marrë emër si disa prej qendrave urbane me ndotjen më të lartë sot në botë. Por duket se prirja për të ardhmen është shumë më pozitive.
Këtë e vërtetoi Panairi Ndërkombëtar i Automjeteve që u hap dje në Guangzhu, ku vëmendjen kryesore e kanë tërhequr makinat me burime alternative energjie. Marka amerikane Chevrolet ka prezantuar modelin e suksesshëm Volt që punon me energji elektrike dhe që ka gjeneruar shumë interes në panairin kinez.
Ndër makinat luksoze, Porsha ka sjellë modelin e saj 911-C4, që njihet për konsum të ulët karburanti. Kjo valë e re ka përfshirë edhe prodhuesit kinezë. Kompania kineze BYD u prezantua me makina të reja që punojnë me energji elektrike. Por kjo kompani ka konkurrencë të fortë me markat japoneze që janë prej vitesh në tregun e makinave me energji alternative.
Modeli Prius i Toyotës ka shitur deri tani një vëllim prej 3.5 makinash në të gjithë botën, megjithëse në Kinë shitjet e saj mbeten të ulëta. Panairi në Gangzhu përfshin gjithësej 950 makina, përfshirë 34 modele që prezantohen për herë të parë në treg.