Një gjykatë e Kombeve të Bashkuara për krimet e luftës mbajti në fuqi dënimin për 2 serbë të Bosnjes, të akuzuar për vrasjen e më shumë se 100 njerëzve gjatë konfliktit në ish Jugosllavi në vitet 90-të.
Gjykata e Apelit mbështeti sot dënimin me burgim të përjetshëm për Milan Lukiç, një prej themeluesve të grupit i njohur si Shqiponjat e Bardha, i cili bashkëpunonte me njësitë policore dhe ushtarake për të vrarë, torturuar dhe terrorizuar komunitetet myslimane.
Kushëriri i Lukiçit, Sredoje Lukic, u gjet fajtor si bashkëpunëtor në krime. Por e njëjta gjykatë uli dënimin e tij nga 30 vjet në 27 vjet, duke anuluar akuzat për rrahje të të burgosurve.
Që të dy ishin akuzuar për krime kundër njerzimit dhe krime mizore të kryera në qytetin Visegrad të Bosnjes lindore në vitin 1992 dhe 1993.