E martë, 28 prill, 2015

Lajme / Ballkani

BE, Shqipëria humbet përsëri shansin për kandidat

Komisioneri për Zgjerimin Stefan Fyle: “Do të raportojmë mbi përparimet e bëra sapo politikanët shqiptarët të na e bëjnë të mundur. Të mos lejojnë që axhenda europian të mbetet peng i interesave të tyre të vecanta politike”

fyle
fyle
Armand Mero
Në Bruksel komisioneri për Zgjerimin Stefan Fyle deklaroi mbrëmë se “Shqipëria duhet të vazhdojë të mbajë ritmin e reformave duke cuar drejt përmbylljes masat e kërkuara në mënyrë që Këshilli të marrë në konsideratë dhënien e statusit të vendit kandidat”. Komentet e tij zoti Fyle i bëri në mbyllje të diskutimeve të Këshillit për Cështjet e Brendshme të Bashkimit europian mbi politikat e zgjerimit. Për herë të tretë Shqipërisë iu refuzua dhënia e statusit. Zoti Fyle tha se Komisioni do të raportojë pranë Këshillit mbi përparimet e bëra sapo politikanët shqiptarët t’ja bëjnë të mundur këtë Komisionit. Ai i bëri thirrje të gjithë politikanëve shqiptarë që të forcojnë dialogun, dhe të mos lejojnë që axhenda europian të mbetet peng i interesave të tyre të vecanta politike
 
Ndërsa u përfshi ne debate të gjata lidhur me perspektivën europiane të vendeve të tjera të Ballkanit, Këshilli për Cështjet e Brendshme të BE i përbërë nga ministrat e jashtëm dhe ata të Cështjeve europiane të vendeve anëtare, nuk shpenzoi kohë për Shqipërinë. Ajo e kishte përcaktuar vetë që më parë fatin e saj, ndërsa mosmarrëveshjet politike e kishin bërë të pamundur plotësimin e kushteve që Komisioni europian kishte vendosur në tetor në mënyrë që të mund të rekomandonte dhënien e Statusit kandidat.
 
"Këshilli vëren rekomandimin e Komisionit për t’i dhënë Shqipërisë statusin kandidat, nëse përmbushen masat kyçe” deklaroi Erato KOZAKOU-MARKOULLIS, ministrja e jashtme e Qipros, vend i cili mban presidencën e radhës së Bashkimit europian.
 
Në përfundimet e miratuara mbrëmë nga Këshillit njihet përparimi i bërë nga Shqipëria falë përmirësimit të dialogut mes qeverisë dhe opozitës pas marrëveshjes së nëntorit të kaluar. “Këshilli vëren vlerësimin e Komisionit se Shqipëria ka përmbushur katër nga prioritetet kyçe dhe se është në rrugën e përmbushjes së dy prioriteteve të tjera", thuhet në përfundimet e Brukselit ndërsa “nënvizohet nevoja për të intensifikuar  më tej përpjekjet, e identifikuara nga raporti i Komisionit, veçanërisht në fushën e reformave të gjyqësorit për të forcuar pavarësinë, efikasitetin dhe llogaridhënien e tij, në luftën kundër korrupsionit dhe krimit të organizuar, në mbrojtjen e të gjitha minoriteteve, si dhe në zbatimin e reformave”.
 
“Mbajtja e suksesshme e zgjedhjeve parlamentare të vitit 2013 do të jetë një test thelbësor për funksionimin pa probleme të  institucioneve demokratike të vendit", tha më tej ministrja qipriote duke iu referuar përfundimeve të Këshillit.
 
Ndërkaq Brukseli duket i shqetësuar edhe për deklaratat e ditëve të fundit në Tiranë, ku vecanërisht gjatë festimeve për 100 vjetorin e pavarësisë kryeministri përmendi disa herë bashkimin e shqiptarëve në trojet e tyre etnike. Për herë të parë Shqipërisë i tërhiqet vëmendja që të jetë e kujdesshme kur thuhet se "Këshilli mirëpret rolin e vazhdueshëm konstruktiv të Shqipërisë në rajon dhe i bën thirrje Shqipërisë të shmangë deklarata që shkojnë kundër marrëdhënieve të fqinjësisë së mirë”.
 
Për Komisionerin e Zgjerimit Stefan Fyle “Përfundimet e Këshillit i dërgojnë mesazhet e duhura Shqipërisë, si në njohjen e punës së madhe të bërë deri tani, ashtu dhe në inkurajimin e fortë ndaj të gjitha forcave politike dhe aktorëve që të mbeten të përqëndruar te integrimi europian dhe procesi i  reformave. Dyert e BE mbeten të hapura dhe përfundimet tregojnë rrugën se si Shqipëria të vazhdojë të bëjë përpara drejt objektivit të saj të integrimit europian”.
 
Dhe në mënyrë të përmbledhur komisioneri Fyle e përkufizon kështu rrugën e afërt që vendi duhet të ndjekë “Shqipëria duhet të vazhdojë të mbajë ritmin e reformave duke cuar drejt përmbylljes masat e kërkuara në mënyrë që Këshilli të marrë në konsideratë dhënien e statusit të vendit kandidat
Komisioni do të raportojë pranë Këshillit mbi përparimet e bëra sapo politikanët shqiptarët të na e bvëjnë të mundur dhe unë i bëj thirrje të gjithë politikanëev shqiptarë që të përforcojnë dialogun, dhe të mos lejojnë që axhenda europian të mbetet peng i interesave të tyre të vecanta politike”.
 
Por në Tiranë, më shumë se sa të mendohet për të përmbushur axhendën europian, palët duket se  harxhojnë më shumë kohë duke fajësuar njëra tjetrën për dështimin e radhës. Për ministren e integrimit Majlinda Bregu faji qëndron te politikat bllokuese të opozitës: "Të ftojmë e të riftojmë opozitën dhe liderin e saj, që të mos vazhdojë më tej bllokimin e procesit të integrimit dhe që sigurisht të votojë, siç kanë votuar gjatë këtij viti në parlament 22 ligje me 3/5-at, e të mos i rikthehen qasjes se idesë, se bllokimi është fitore. Sfida e tjetër është të vazhdojmë të ftojmë e të riftojmë sigurisht të gjithë ata që janë të përgjegjshëm në politikën shqiptarë që të kuptojnë se ky është procesi nga i cili duhet të fitojnë të gjithë shqiptarët dhe s’ mund të fitojë vetëm axhenda e ngushtë partiake”.
 
Ndërsa për opozitën, përgjegjëse mbetet qeveria e cila nuk ka përmbushur objektivat që lidheshin direkt me veprimtarinë e saj:“Të vetmet prioritete që konsiderohen të përmbushura janë ato prioritete ku kontributi i opozitës ka qenë vendimtar. Prioritetet të cilat kanë të bëjnë kryesisht, apo ekskluzivisht, me qeverisjen konsiderohen të papërmbushura. Pra, ato që kanë të bëjnë me reformën për garantimin e të drejtave të pronësisë, antikorrupsionin, krimin e organizuar, çështjet që kanë të bëjnë me liritë dhe të drejtat themelore të njeriut, çështjet që kanë të bëjnë me zbatimin e ligjeve, çështjet që kanë të bëjnë me zbatimin e ligjeve në fushën e administratës publike, çështjet që kanë të bëjnë me antidiskriminimin, çështjet që kanë të bëjnë me funksionimin e institucioneve demokratike”, deklaroi kryetari socialist i komisionit te integrimit Ditmir Bushati.
 
Atmosfera elektorale e garës së qershorit të ardhshëm vështirë se mund të ctensionojë situatën, ndërsa vetë zgjedhjet do të përbëjnë një tjetër moment kyc në rrugën e vështirë të Shqipërisë drejt Brukselit.
Ky forum është mbyllur
Përzgjedhja e komenteve
Komente
     
nga: Anonim
12.12.2012 13:05
Nuk e kuptoj se pse thuhet "palet" humbasin kohe duke akuzuar njera tjetren. kur ceshtja eshte fare e kjarte. Mazhoranca i ka dhene driten jeshile opozites per te bere cfardo amendamenti qe deshiron ajo per tre ligjet qe kushtezojne statusin e ti votojne ato se bashku e opozita nuk ka pranuar ta beje kete duke nxjerr nje kusht nga xhepi i saj, problemin e Fierit.
Mire "palet" akuzokan njera tjetren, por pse "te pamvarurit" nuk i thone gjerat troc sic jane por i akuzojne te dy palet njelloj ?


nga: emigrant nga: Austri
12.12.2012 09:15
Nuk ndihmohet Shqiperia duke bere pergjithesimet "politika shqiptare". Eshte thene hapur se per te mare kete satus, duhet te votohen ne parlament tre ligjet me 3/5. Dihet fort mire se kush i bojkotoi ato. Nese do te vazhdohet me deklarime te tilla "politika shqiptare", pa e thene hapur se cili krah i politikes po e bllokon procesin, Shqiperia do te vazhdoje te ngelet ne nje rreth vicioz ku faji ngelet jetim.
Shtojcat e tjera per korrupsionin e per paragjykimin e zgjedhjeve, duken si nje artific per te ballancuar krahet politike.Po degjojme perdite se korrupsion e ndonje paregullsi ne zgjedhje ka edhe ne vendet me demokraci te konsoliduar.
Persa i perket nacionalizmit, nuk ka pse deklarimet e te vertetave historike, per te cilat borxhli ndaj shqiptareve jane edhe disa shtete te fuqishme evropiane, te meren si deklarata nacionaliste.Statusin e antarit apo kandidatit per ne BE, e kane mare edhe shtete qe kane bere luftera kriminale pushtuese e genocid ndaj popujve te Ballkanit.

Ditari

Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
Ditarii
X
27.04.2015
Emisioni televiziv Ditari

LAJME

Kryeministri japonez Shinzo Abe për vizitë zyrtare në SHBA

Presidenti Obama e pret sot në Shtëpinë e Bardhë kryeministrin japonez, për një vizitë e cila pritet të fokusohet në zgjerimin e marrëdhënieve dypalëshe
Më tepër

Gjendje e jashtëzakonshme në Baltimore

Trupat e Gardës Kombëtare janë dislokuar në qytetin Baltimore të shtetit Meriland, ndërsa autoritetet përpiqen të rivendosin rendin
Më tepër

Shefi i diplomacisë gjermane në Beograd dhe në Prishtinë

Ministri i jashtëm gjerman Frank-Walter Steinmeier, tha se vendi i tij pret një marrëveshje gjithëpërfshirëse dhe detyruese për normalizimin e marrëdhënieve ndërmjet Kosovës dhe Serbisë
Më tepër

Bosnjë: Vritet një polic në Zvornik

Një sulmues i armatosur qëlloi dhe vrau një oficer policie dhe plagosi dy të tjerë para se të vritej në qytetin verilindor boshnjak të Zvornikut
Më tepër

Baltimore, trupat e Gardës Kombëtare zënë pozicione

Përleshjet e dhunshme dhe plaçkitjet e dyqaneve pasuan ceremoninë e varrimit të një afrikano-amerikani që vdiq në arrest policor
Më tepër

FOTO E DITËS

Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
  • Splash divers jump into the water of the Sommerbad Olympiastadion public swimming pool in Berlin, during an event to promote the German capital's open air pools.
  • Thousands of public school teachers march in Bogota demanding better pay and reforms in the education system. Last week, Colombia's public education teachers began an indefinite nationwide strike. The move affects about nine million students and is rejected by the government.
  • A woman runs past artwork of a large hand on a wall in central London, Britain.
  • Anti-gay marriage rally outside Capitol Hill in Washington to support traditional marriage. (Photo by Diaa Bekheet)
  • A giraffe baby stands in front of her mother 'Dhakija' at the zoo in Erfurt, Germany.
  • The picture shows the inside the tomb of Neferuptah, during the reopening of the site following renovations, at the great Giza Pyramids, south of the capital Cairo. The cemeteries have been closed since 2007 due to reconstruction work, which stopped following the January 2011 political events, and only resumed six months ago.
  • A performer takes part in an unveiling of a billboard against fracking in central London, Britain.
  • People collect their belongings from a house damaged by heavy rain and windstorms Sunday evening in Peshawar, Pakistan.
  • Vice President Joe Biden, accompanied by Loretta Lynch's father Lorenzo Lynch (2nd l), and Loretta Lynch's husband Stephen Hargrove (2nd r), administers the oath of office to Loretta Lynch as the 83rd Attorney General of the U.S. during a ceremony at the Justice Department in Washington.
  • White House Executive Chef Cris Comerford shows the first course for the Japanese State Dinner, a Toro Tartare and Caesar Sashimi Salad, in the State Dining Room of the White House in Washington, DC, on the eve of the State Dinner.
  • Queen Maxima of the Netherlands (R) greets people during a parade on King's Day in Dordrecht, the Netherlands.
  • A man covers his face as he rides a bicycle along a street during a sandstorm in Wujiaqu, Xinjiang Uighur Autonomous Region, China.

Interaktive

Nuk keni telefon inteligjent?
Nuk ka problem!
Shkarkoni falas aplikacionin e VOA në telefonin tuaj.

 Shkarkoni aplikacionin mobil për tipin e telefonit tuaj.