Lidhje

Një vit nga përmbytja e anijes italiane


Të mbijetuar e anijes turistike Costa Concordia dhe të afërm të 32 viktimave, shënuan sot përvjetorin e parë të përmbytjes së kësaj anieje pranë ishullit Xhilio në Itali.

Sot pati ceremoni gjatë gjithë ditës, mes tyre edhe inaugurimi i një memoriali kushtuar viktimave, një meshë për nder të kujtimit të tyre, si dhe një minutë heshtje më 20.45 sipas orës lokale, pikërisht momenti kur anija u përplas me shkëmbinjtë nënujorë në rajonin historik të Toskanës.

Gjithashtu u nderuan edhe ata punonjës të skuadrave të shpëtimit, të cilët kërkuan për javë të tëra në anije për të mbjetuar të tjerë.

Anija turisitke Costa Concordia, e cila kishte 4 mijë e 200 pasagjerë e personel në bord, u përmbys kur kapiteni i saj ndryshoi kursin e planifikuar dhe si pasojë anija u përplas me shkëmbinjtë nënujorë.
XS
SM
MD
LG