E dielë, 14 shkurt, 2016

    Lajme / SHBA

    SHBA shton sigurinë në misionet diplomatike

    x
    Michael Lipin
    Sekretarja amerikane e shtetit Hillary Clinton tha se sulmi vdekjeprurës i shtatorit të kaluar në një mision amerikan në qytetin lindor të Libisë, Bengazi, e shtyu atë të ndërrmerte disa masa urgjente për përmirësimin e sigurisë në postet diplomatike anembanë botës.

    Por disa diplomatë amerikanë shprehin shqetësimin se rregullat e reja të sigurisë të vendosuar nga Uashingtoni mudn ta vështirësojnë punën e kolegëve të tyre jashtë vendit.

    Protestues anti-amerikanë, të zemruar nga një film i realizuar në Amerikë për profetin Muhamet, sulmuan ambasadën amerikane në Kajro në 11 shtator të vitit të kaluar.

    Ky sulm përkoi me sulmet nëpër misione të tjera të Shteteve të Bashkuara në Lindjen e Mesme, si ai në ambasadën amerikane në Sanna të Jemenit- duke detyruar Shtetet e Bashkuara që të urdhërojnë  përmirësime mbarëbotërore për sigurinë diplomatike.

    Sulmi më i ashpër ishte kur persona të dyshuar si militantë të Al Qaidës sulmuan kompleksin diplomatik amerikan në qytetin e Bengazit në Libi duke vrarë katër amrikanë, mes tyre edhe ambasadorin e Shteteve të  Bashkuara.

    Në një seancë dëgjimore përpara Senatit amerikan sekretarja e Shtetit  Hillary Clinton u tha ligjvënësve, se ajo ka marrë disa hapa urgjentë në përgjigje të këtyre incidenteve.


    “I kërkova Departamentit të Mbrojtjes që të bashkonim ekipet e agjencive tona dhe të vendosnim qindra marinsa shtesë. Emërova për herë të parë një zëvendës  ndihmës sekretar shteti për postet me rrezikshmëri të lartë, që misioneve në vendet e rrezikshme t’u kushtohej vëmendjea e duhur”. - tha ajo

    Zonja Clinton tha se ajo kishte përcaktuar më shumë se 20 misione amerikane anembanë botës si zona me rrezikshmëri të lartë e që kërkonin siguri më të rreptë. Por, ajo nuk i specifikoi ato, duke thënë se informacioni është sekret.

    Një shoqatë e diplomatëve amerikanë thotë se dërgimi i më shumë marinsave për të ruajtur misionet me rrezik të lartë është një hap pozitiv.

    Presidentja e Shoqatës së Korpusit Diplomatik Amerikan Susan Johnson thotë se shumë konsullata amerikane dhe disa ambasada nuk kanë trupa marinsë.

    “Marinsat janë kryesisht për të mbrojtur e siguruar ndërtesat më shumë se për mbrojte personale. Por prania e tyre në një rast jo të zakontë jep kohë, e ndihmon për të parandaluar ose për evakuim dhe për të pakësuar rrezikun, ndaj ne i mirëpresim, por këto forca nuk kanë mbërritur ende”. - tha zonja Johnson

    Zonja Johnson thotë se ajo shpreson që zyrtarët e Uashingtonit nuk do t’ua vështirësojë diplomatëve mundësinë për kontakte me popullatën në vendet ku shërbejnë.

    Në një shembull të përpjekjeve për komunikim me popullatën vendase, diplomatët amerikanë në Kabul ftuan disa afganë në ambasadë në një festë të organizuara për zgjedhjet në muajin nëntor.

    Zonja Johnson thotë se diplomatët gjithashtu duan që të jenë të aftë të vendosin kontakte jashtë ambasadave të tyre dhe e kanë shprehur më qartë këtë kërkesë që nga sulmi në Bengazi.
                    
    Zonja Johnson thotë se një tjetër mënyrë për të përmirësuar sigurinë është përmes shtimit të fondeve federale për trainimin e diplomatëve për gjuhën dhe njohuritë mbi vendin ku do të shkojnë.

    Ajo thotë se këto lloj trainimesh do t’i bënin diplomatët më të aftë për të shmangur situata të rrezikshme dhe për t’u kundërpërgjigjur në raste të tilla.

    Ky forum është mbyllur
    Komente
         
    Në këtë forum nuk ka ende komente. Bëhuni i pari që komentoni

    Ditari

    Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
    Ditarii
    X
    13.02.2016
    Emisioni televiziv Ditari sjell pranë jush lajmet më të fundit nga bota, korrespondencat nga rajoni, intervista dhe analiza me tema nga më të larmishmet. Ju mund të gjeni gjithashtu të rejat e fundit nga mjekësia dhe shkenca, si edhe nga bota e artit.

    LAJME

    Vdes Scalia, anëtar i Gjykatës së Lartë të SHBA

    Antonin Scalia, 79 vjeç, vdiq nga shkaqe natyrore në Cibolo Creek Ranch, një vendpushim i Teksasit
    Më tepër

    SHBA përforcon mbështetjen për Evropën

    Sekretari amerikan i Shtetit, John Kerry, tha se SHBA ka një “interes të thellë” në fuqizimin e Evropës përballë tensioneve të reja me Rusinë dhe fluksit të papreçedent të refugjatëve
    Më tepër

    Ndikimi rus në Ballkan

    Vëzhguesit thonë se propaganda, organizatat dhe shoqatat kulturore ruse kanë shtuar praninë në Serbi, Mal të Zi, Shqipëri dhe Maqedoni
    Më tepër

    SHBA, kurset e trajnimit dhe tregu i punës

    Një qendër trajnimi në Merilend, u mëson studentëve profesione që i ndihmojnë të gjejnë vende pune
    Më tepër

    Aktoret e reja për çmimin Oskar

    Aktoret e nominuara për çmimin Oskar janë të moshës së re, të talentuara dhe konkurruese
    Më tepër

    FOTO E DITËS

    Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
    • Thousands of faithful are coming to the Basilica of Our Lady of Guadalupe where Pope Francis will celebrate Mass on Feb. 13, Mexico City. (C. Mendoza/VOA)
    • Security was tight days ahead of the papal visit, Mexico City. (C. Mendoza/VOA)
    • Images of Pope Francis are plastered all over Mexico City. (C. Mendoza/VOA)
    • A statue of Pope John Paul is seen near the Basilica of Our Lady of Guadalupe, Mexico City. (C. Mendoza/VOA)
    • Women drop off flowers at the Basilica of Our Lady of Guadalupe ahead of the papal visit, Mexico City. (C. Mendoza/VOA)
    • Pilgrims of all ages make their way to the Basilica of Our Lady of Guadalupe to see Pope Francis, Mexico City. (C. Mendoza/VOA)

    Interaktive

    Nuk keni telefon inteligjent?
    Nuk ka problem!
    Shkarkoni falas aplikacionin e VOA në telefonin tuaj.

     Shkarkoni aplikacionin mobil për tipin e telefonit tuaj.