E shtunë, 13 shkurt, 2016

    Lajme / SHBA

    Apple pëson sulme kibernetike

    Kompania Mandiant akuzon qeverinë kineze për përfshirje të drejtpërdrejtë në sulmet në internet

    appleapple
    x
    apple
    apple
    Apple është një tjetër korporatë e madhe amerikane që ka rënë viktimë e sulmeve kibernetike. Kompania e kompjuterave – e famshme për produktet si iPhone, iPad dhe iPod – tha se kompjuterat e disa punonjësve të saj ishin sulmuar, kur ata vizituan një faqe të infektuar interneti që përdoret nga zhvilluesit e programeve. Apple tha se nuk ka prova për vjedhje informacioni. Ky njoftim i kompanisë Apple erdhi në të njëjtën ditë që një grup për sigurinë në internet me bazë në SHBA akuzoi qeverinë kineze për përfshirje të drejtpërdrejtë në sulmet kibernetike kundër qeverisë, bizneseve dhe infrastrukturës amerikane.
     
    Nga qendra e saj, pranë Uashingtonit, kompania për sigurinë në internet Mandiant zbuloi se dhjetëra sulme kibernetike ishin kryer nga persona që operonin në afërsi të një ndërtese ushtarake në Shanghai. Shefi për Sigurinë i grupit Mandiant, Richard Bejtlich, thotë se qeveria kineze mbështet gjerësisht e në mënyrë të drejtpërdrejtë ekipin e spiunazhit kibernetik.

    "Loja që ky grup kryen është vjedhja. Ata nuk punojnë për të shkatërruar të dhënat. Ata nuk punojnë për të ndryshuar të dhënat. Nga ajo që kemi parë, ata kërkojnë të marrin informacionet dhe t’i vënë në dispozicion në Kinë."

    Kompania Mandiant thotë se grupi, që identifikohet si APT1, ka vjedhur sasi të konsiderueshme të dhënash nga 141 organizata, kryesisht në Shtetet e Bashkuara, duke filluar nga kompanitë financiare deri tek bizneset e hapësirës ajrore.
    Anthony Cordesman, një analist i mbrojtjes në Qendrën për Studime Strategjike dhe Ndërkombëtare, thotë se nëse kjo është e vërtetë, Kina po kryen një eksperiment të rrezikshëm.

    "Ushtaria kineze po eksploron mënyra për të gjymtuar ose për të dëmtuar rëndë infrastruktur dhe lidhjet bazë mes sistemeve të energjisë, rrjeteve ujore e funksioneve të tjera të rëndësishme me internetin, që mundësojnë funksionimin e ekonomisë sonë. Kjo nuk është thjesht luftë, por është zhvillimi i kapaciteteve për luftë ekonomike. Është një çështje shumë, shumë serioze."

    Ministria e Jashtme e Kinës kundërshton akuzat.

    "Sulmet në Internet janë një problem ndërkombëtar që duhet të zgjidhet mbi bazën e besimit dhe respektit reciprok si dhe me bashkëpunim ndërkombëtar. Kritikat e vazhdueshme të bazuara mbi të dhëna rudimentare janë të papërgjegjshme, joprofesionale dhe të padobishme për zgjidhjen e çështjes.''

    Shtëpia e Bardhë nuk pranoi të komentonte mbi raportin e kompanisë Mandiant, por tha se është duke biseduar me Kinën në lidhje me çështjen e sigurisë kibernetike.

    "Mund t'ju them se kemi ngritur vazhdimisht shqetësimet tona rreth vjedhjes kibernetike me zyrtarë kinezë në nivelet më të larta, duke përfshirë ushtrinë, dhe do të vazhdojmë ta bëjmë këtë."
    Kompania Mandiant bën thirrje për rritje të presionit diplomatik ndaj Pekinit dhe për sisteme më të mira mbrojtjeje për të parandaluar sulmet kibernetike.

    Ky forum është mbyllur
    Komente
         
    Në këtë forum nuk ka ende komente. Bëhuni i pari që komentoni

    Ditari

    Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
    Ditarii
    X
    12.02.2016
    Emisioni televiziv Ditari

    LAJME

    Maqedoni: Prokurorja Speciale nis hetime

    Hetimet në procesin e quajtur “Titanik”, përfshijnë ministra, gjykatës, noterë dhe zyrtarë të lartë të dyshuar për mashtrim zgjedhor
    Më tepër

    Qëndrimi ulur dhe tkurrja e trurit

    Një studim i ri zbulon se qëndrimi ulur në kolltuk duke parë televizor, në vend të ushtrimeve fizike, mund të shkaktojë tkurrjen e trurit tek të moshuarit.
    Më tepër

    USAID dhe fermerët në Malësi të Madhe

    Malësia e Madhe është zona ku grumbullohet sasia më e madhe e bimëve mjeksore, që eksportohen në SHBA.
    Më tepër

    BE, ultimatum Greqisë për kontrollin kufitar

    BE i dha Greqisë tre muaj afat të ndreqë problemet, përndryshe do të përballet me pezullim të antarësimit në Zonën e Shengenit për lëvizjen pa viza
    Më tepër

    Obama dhe fushata presidenciale

    Presidenti amerikan që mori pjesë në disa aktivitete politike për mbledhje fondesh për Partinë Demokrate në Kaliforni, tha se vendi është në një moment të rëndësishëm politik
    Më tepër

    FOTO E DITËS

    Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
    • Thousands of faithful are coming to the Basilica of Our Lady of Guadalupe where Pope Francis will celebrate Mass on Feb. 13, Mexico City. (C. Mendoza/VOA)
    • Security was tight days ahead of the papal visit, Mexico City. (C. Mendoza/VOA)
    • Images of Pope Francis are plastered all over Mexico City. (C. Mendoza/VOA)
    • A statue of Pope John Paul is seen near the Basilica of Our Lady of Guadalupe, Mexico City. (C. Mendoza/VOA)
    • Women drop off flowers at the Basilica of Our Lady of Guadalupe ahead of the papal visit, Mexico City. (C. Mendoza/VOA)
    • Pilgrims of all ages make their way to the Basilica of Our Lady of Guadalupe to see Pope Francis, Mexico City. (C. Mendoza/VOA)

    Interaktive

    Nuk keni telefon inteligjent?
    Nuk ka problem!
    Shkarkoni falas aplikacionin e VOA në telefonin tuaj.

     Shkarkoni aplikacionin mobil për tipin e telefonit tuaj.