Shefja për politikë të jashtme e Bashkimit Evropian, Catherine Ashton, tha sot se Kosova dhe Serbia mund të arrijnë marrëveshje për normalizimin e marrëdhënieve ndërmjet tyre, por kjo do të varet nga rrugët e zgjidhjes së disa çështjeve të vështira. Ajo i bëri këto komente në Bruksel duke folur për rrjedhën e bisedimeve ndërmjet Kosovës dhe Serbisë, të cilat aktualisht mbizotërohen nga mospajtimet më mënyrën e administrimit të veriut të Kosovës të banuar me shumicë serbe.