E shtunë, 13 shkurt, 2016

    Lajme / Ballkani

    Parlamenti nuk voton reformat e kërkuara nga BE

    Shqipëri, sërish debate mes shumicës dhe opozitës. Ruci “qeveria po kërkon alibi për mospërmbushjen e detyrimeve karshi Brukselit”. Berisha “I gatshëm të thërras parlamentin në çdo kohë për miratimin e reformave”

    x
    Në Tiranë parlamenti nuk votoi as sot reformat e kërkuara nga Komisioni europian në mënyrë që të mund t’i rekomandojë vendeve anëtare dhënien e Statusit të vendit kandidat Shqipërisë. Shumica dhe opozita u përfshinë sërish ne debate me të njejtat argumenta të përdorura ditët e fundit. Ecuria e Shqipërisë në procesin e integrimit ka qenë pjesë e debateve në komisionin e jashtëm të parlamentit europian ku është diskutuar edhe  teksti i një rezolute. Europarlamentarët mbështesin pozicionin e Komisionit por nuk kanë fshehur skepticizmin ndaj zhvillimeve në Tiranë dhe progresit drejt BE
     
     
     
    Përplasjet e ditëve të fundit mes shumicës dhe opozitës me shkëmbime replikash në distancë, u transferuan sot në sallën e parlamentit ku në rend të ditës ishin përfshirë ligji për Gjykatën e Lartë ai për nëpunësin civil dhe reforma parlamentare, të mbetura pezull për shkak të mosmarrëveshjeve mes palëve. Sërish cështja e qarkut të Fierit, e kthyer në një mollë sherri, zuri një pjesë të mirë të fjalës si të kryeministrit Sali Berisha ashtu dhe të kryetarit të grupit parlamentar socialist Gramoz Ruci.
     
    Për kryeministrin socialistët po e përdorin këtë cështje si një pretekst duke ripërsëritur se organizimi i mocioneve të mosbesimit për këshilltarët do të ishte oferta më  mirë për një zgjidhje politike. Por zoti Ruci u shpreh se një ofertë e tillë ishte e papranueshme pasi gjykatat e kishin rrëzuar një kërkesë të tillë të bërë nga këshilltarët e djathtë: "Për këtë ofertë politikë, kanë bërë ankesë këshilltarët e tu në gjykatën e Apelit dhe në Gjykatën e Lartë. Cfarë po të kërkojmë ne sot zoti kryeministër, as më shumë e as më pak se të zbatosh vendimet e Gjykatës së lartë se nuk ka asnjë vlerë asnjë ndryshim që mund të bëjmë në ligjin e Gjykatës së Lartë, kur ne parlamentarët, ju në radhë të parë, nuk njohim vendimet e gjykatave”.
     
    Kryeministri Berisha ritheksoi dhe një herë se ligjet që duhen miratuar kanë të bëjnë me të ardhmen europiane të vendit: “Këto ligje krahas rëndësisë që kanë me thelbin e tyre, për fushën ku ato veprojnë, marrin një rëndësi universale , të jashtëzakonshme, një rëndësi e cila ka të bëjë me projektin, me ëndrrën e cdo qytetari shqiptar”
     
    Por zoti Ruci akuzoi qeverinë se është ajo që nuk ka përmbushur detyrimet karshi Brukselit e se për këtë arsye po kërkon të gjejë alibi due fajësuar opozitën: "Ti je në hall se nuk ke c’i thua Brukselit për mos përmbushjen e 8 rekomandimeve në dy progress raportet. Dhe problemet e vërteta të Shqipërisë janë zgjedhjet e lira, lufta kundër krimit, lufta kundër korrupsionit dhe ju nuk i keni bërë, nuk jeni ë gjendje t’i plotësoni dhe tani që këmbanat e qeverive të shteteve të Be kanë filluar të bien seriozisht për propozimin e Komisionit, ju kërkoni alibinë. Alibinë doni ta gjeni te opozita dhe te Edi Rama”.
     
    Palët edhe një herë dëshmuan se janë qartazi të ndara dhe se nuk ka asnjë shenjë për një kompromis të mundshëm. Megjithatë kryeministri tha se shumica ishte e gatshme të mbledhë parlamentin në cdo moment për miratimin e lijeve të kërkuara: "Propozimi im i fundit është ky. Nëse dëshironi nga sot deri më datën 20, në cdo kohë, 24 orë mbi 24 orë, si kryeministër jam i gatshëm të shfrytëzoj atributin tim kushtetues për të thirrur parlamentin për t’i votuar ato ligje. Doni të shtunën në mesnatë, të dielën në mesnatë, doni të hënë, deri me datë 19.”
     
    Brenda datës 20 komisioni europian do të duhet ti përcjellë vendeve anëtare rekomandimin për Shqipërinë i cili në rast të miratimit të tre reformave do të ishte në favor të Statusit kandidat pa asnjë kushtëzim.
     
    Procesi i integrimit të Shqipërisë ishte sot pjesë e debateve dhe në komisionin e Jashtëm të parlamentit europian. Ky  komision pritet të miratojë javën e ardhshme një rezolutë për Shqipërinë ku mbështetet propozimi i komisionit per Statusin. Por gjatë debateve nuk u fsheh skepticizmi ndaj zhvillimeve në Shqipëri dhe perparimit te vendit drejt Be, ku u  ngritën shqetësime si lidhur me mosmiratimin e ligjeve të kërkuara nga Brukseli ashtu dhe me zgjedhjet e ardhshme apo cështjet që lidhen me korrupsionin dhe me gjyqësorin. Zoti Eduard Kukan, kryetar i delegacionit të PE për Ballkanin, propozoi dy amendamente që lidhen me kompensimin e ish të burgosurve politike dhe me hetimet për 21 janarin.
    Ky forum është mbyllur
    Përzgjedhja e komenteve
    Komente
         
    nga: Anonim
    15.11.2012 19:00
    Turp per Berishen.Meten dhe Idrizin te uleshin ne nje tryeze bisedimesh me Ramen dhe te gjenin zgjidhje.per Qarkun e Fierit te zbatoheshe vendimet e gjykates te larte..sepse kerkojme shtet dhe jo pushtet per miq e shoke sepse Meta kerkon remuje per te vjedhe pasuri maramendese ndersa Idrizi kryetar i Partise Came rin ne kualicion me Berishen ku eshte bere mareveshja per shitjen e ujrave teritoriale Greqise dhe vendosjen e varezave greke ne shqiperi me eshtra shqipetaresh gjykoni mor miq amerikane a eshte tradhetar i kombit shqipetar po ta kishit ne vendin tuaj ju i kishit bere gjyqin dhe mund ta zhduknit..shqipetaret kerkojne shtet dhe jo pushtet per miq e shoke per te vjedhur.Z Nishani mbilidh ne presidence Berishen,Meten,Idrizin dhe Ramen..KOHA PER VEPRIM ..VEPRO TANI...

    Ditari

    Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
    Ditarii
    X
    12.02.2016
    Emisioni televiziv Ditari

    LAJME

    Maqedoni: Prokurorja Speciale nis hetime

    Hetimet në procesin e quajtur “Titanik”, përfshijnë ministra, gjykatës, noterë dhe zyrtarë të lartë të dyshuar për mashtrim zgjedhor
    Më tepër

    Qëndrimi ulur dhe tkurrja e trurit

    Një studim i ri zbulon se qëndrimi ulur në kolltuk duke parë televizor, në vend të ushtrimeve fizike, mund të shkaktojë tkurrjen e trurit tek të moshuarit.
    Më tepër

    USAID dhe fermerët në Malësi të Madhe

    Malësia e Madhe është zona ku grumbullohet sasia më e madhe e bimëve mjeksore, që eksportohen në SHBA.
    Më tepër

    BE, ultimatum Greqisë për kontrollin kufitar

    BE i dha Greqisë tre muaj afat të ndreqë problemet, përndryshe do të përballet me pezullim të antarësimit në Zonën e Shengenit për lëvizjen pa viza
    Më tepër

    Obama dhe fushata presidenciale

    Presidenti amerikan që mori pjesë në disa aktivitete politike për mbledhje fondesh për Partinë Demokrate në Kaliforni, tha se vendi është në një moment të rëndësishëm politik
    Më tepër

    FOTO E DITËS

    Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
    • Thousands of faithful are coming to the Basilica of Our Lady of Guadalupe where Pope Francis will celebrate Mass on Feb. 13, Mexico City. (C. Mendoza/VOA)
    • Security was tight days ahead of the papal visit, Mexico City. (C. Mendoza/VOA)
    • Images of Pope Francis are plastered all over Mexico City. (C. Mendoza/VOA)
    • A statue of Pope John Paul is seen near the Basilica of Our Lady of Guadalupe, Mexico City. (C. Mendoza/VOA)
    • Women drop off flowers at the Basilica of Our Lady of Guadalupe ahead of the papal visit, Mexico City. (C. Mendoza/VOA)
    • Pilgrims of all ages make their way to the Basilica of Our Lady of Guadalupe to see Pope Francis, Mexico City. (C. Mendoza/VOA)

    Interaktive

    Nuk keni telefon inteligjent?
    Nuk ka problem!
    Shkarkoni falas aplikacionin e VOA në telefonin tuaj.

     Shkarkoni aplikacionin mobil për tipin e telefonit tuaj.