Qeveria e Kosovës dhe partitë opozitare janë përfshirë në debate në rrjetet sociale, një ditë pas protestës së mijëra vetave në Prishtinë e cila u përmbyllë me incidente të dhunshme. Palët pajtohen vetëm në dënimin e incidenteve. Qeveria nuk ka bërë ndonjë koment nëse do të plotësoje kërkesat e protestuesve për shkarkimin e njërit prej ministrave serb dhe sqarimin e plotë e të shpejtë të statusit të kompleksit të minierave Trepça.