E enjte, 31 korrik, 2014

Lajme

Viezzoli: BERZH do ta ndihmojë Kosovën

Drejtori i BERZH-it për Ballkanin Perëndimor, Claudio Viezzoli, flet për ndihmën financiare ndaj Kosovës, si një vend anëtar i Bankës

x
Laura Konda
Kosova u bë anëtare e Bankës Evropiane për Rindërtim dhe Zhvillim më 17 dhjetor të vitit të kaluar. Kjo organizatë e ka mbështetur vendin që nga viti 1999 me projekte në sektorin privat dhe do të vazhdojë edhe më tej, tani që Kosova është anëtare e këtij institucioni, thotë Drejtori i BERZH-it për Ballkanin Perëndimor, Claudio Viezzoli. Në një intervistë nga Londra, zoti Viezzoli thotë se Banka është e gatshme të investojë për disa projekte të rëndësishme në Kosovë, me kusht që procesi i privatizimit të zhvillohet me drejtësi dhe transparencë, sipas standarteve ndërkombëtare:
 

Zëri i Amerikës:  Zoti Viezzoli, Kosova u bë anëtare e Bankës Evropiane për Rindërtim dhe Zhvillim në dhjetor të vitit të kaluar. Përse me kaq vonesë, nëse kemi parasysh që organizata të tjera, si FMN-ja dhe Banka Botërore e pranuan Kosovën anëtare që në vitin 2009, një vit pas shpalljes së pavarësisë?
 
Claudio Viezzoli:   Do ta vendos pyetjen tuaj në kontekstin e duhur, BERZH e ka kryer vizitën e saj të parë në Kosovë, rreth 10 ditë pas përfundimit të luftës, që në vitin 1999. Ne e nëshkruam projektin tonë të parë në nëntor të vitit 1999 dhe që atëhere ne kemi patur atje zyrën tonë,  me stafin e përhershëm  që filloi menjëherë nga puna. Deri tani kemi krijuar në Kosovë një portofol me vlerë 70 milionë euro, kemi nënshkruar 30 transaksione në sektorin privat dhe kemi mobilizuar transaksione  me vlerë rreth 200 milionë euro nga sektori privat në Kosovë. Për shumë vite BERZH ka qenë banka e vetme me aftësinë për të investuar në Kosovë. Kjo që thoni ju është e vërtetë,  se u desh kohë nga pavarësia e deri në dhjetor të vitit 2012, që Kosova të anëtarësohej në BERZH,  por kjo nuk ishte vetëm në dorën tonë. Siç e dini, BERZH është një institucion i sektorit publik, dhe ishte në dorë të të gjithë anëtarëve, që janë 66 qeveri  të ndryshme dhe entitete shumë palëshe, pra duhej arritur në konsensusin e duhur, që Kosova të bëhej vend anëtar.  Kur kjo u arrit në nëntor të vitit 2012, në fakt u desh më pak se një muaj - një kohë rekord këtu në bankë - që Kosova të anëtarësohej në Bankën Evropiane.  Një pjesë të kësaj arritjeje duhet t’ia atribuojmë autoriteteve të Kosovës, sepse  ata, në fakt përfunduan një proces të komplikuar, por të nevojshëm anëtarësimi, në më pak se një muaj, që është gjithashtu një kohë rekord. Dhe kjo për ne ishte një shenjë se ky vend anëtar do të tregojë kapacitetet e duhura, ishte gjithashtu një shenjë për transaksionet që ata do të kenë me ne në të ardhmen.    



Zëri i Amerikës:  Cilat janë disa nga sfidat ekonomike afatshkurtër dhe afatgjatë me të cilat ndeshet vendi dhe si po e ndihmon BERZH Kosovën që t’i kapërcejë ato?
 
Claudio Viezzoli:   Dua të sqaroj fillimisht domethënien e të qenit vend anëtar. Anëtarësia për një vend  do të thotë se BERZH mund të fillojë operacionet e veta. Pra, mund të angazhohemi me projekte të gjera në sektorin privat, përfshirë mbështetjen pas privatizimeve. Ne mundet gjithashtu të angazhohemi në transaksione në sektorin publik, siç janë projektet për transportin, për ndërtimin e rrugëve, urave, hekurudhat, transaksionet për energjinë; projekte bashkiake, që ndikojnë drejtpërdrejt në cilësinë e jetës së njerëzve, si uji, kanalizimet, mbeturinat, pra me të gjitha këto ne mund  të merremi  në të ardhmen. Anëtarësimi ka shumë rëndësi për ne dhe ne shpresojmë se nga kjo do të përfitojë edhe vendi.  Kosova do të ketë shumë sfida, edhe BERZH do të ketë të tilla. Unë do të përqëndrohesha tek sfidat në fushën makroekonomike,  për Kosovën si dhe ato mikroekonomike për BERZH-in.  Për Kosovën do të jetë shumë i rëndësishëm integrimi rajonal,  rrugët, hekurudhat,  linjat e transmisionit. Të gjitha këto kanë bëjnë me integrimin rajonal, me një rol më të mirë të Kosovës në rajon dhe ky është edhe parakusht për të ardhmen e vendit drejt rrugës së anëtarësimit në Bashkimin Evropian në periudhë afatgjatë. Për BERZH-in do të jetë një sfidë fillimi i punës me partnerët tanë në Kosovë në mënyrë konstante, që do të thotë se ne do të duhet të fillojmë të punojmë me autoritetet publike dhe në nivel bashkish. Ne e dimë se do të kemi sfida të rëndësishme kur është fjala tek aftësitë e administratës lokale dhe pikërisht në këtë fushë ne duhet të ndihmojmë, që kjo administratë ta ngushtojë dallimin që ekziston në mes të këtyre aftësive gjatë muajve dhe viteve të ardhshme.
 
Zëri i Amerikës:  Papunësia është një nga problemet më madhore  me të cilat ndeshet vendi, me një shkallë prej 45 për qind, një shifër kjo nga më të lartat në rajon. Si do ta ndihmojë BERZH Kosovën ta përmirësojë këtë situatë?
 
Claudio Viezzoli:   Fillimisht, ne do të angazhoheni sa më shumë që të jetë e mundur, në financimin e ekonomisë dhe bizneseve lokale. Bazuar në përmasat e ekonomisë së Kosovës, tek pozita e saj në rajon dhe tek gjendja e ekonomisë botërore sot, bizneset lokale janë si palca kurrizore për zhvillimin ekonomik të vendit. Ka një arsye, përse ne kemi investuar kaq shumë kohë, burime dhe para në ndihmë të disa prej bizneseve vendase në Kosovë. Ne do të vazhdojmë t’i mbështesim bizneset e vogla dhe ato të mesme, sepse besojmë se ato janë baza për krijimin e vendeve të punës.
 
Zëri i Amerikës:  Një nga pasuritë më të mëdha që ka vendi është linjiti. Qeveria e Kosovës është në procesin e ofrimit të një koncesioni për sektorin privat, për të investuar në një kapacitet të ri gjenerimi për vendin. Në se do të jetë e nevojshme, a do ta ndihmonte BERZH sektorin privat të financonte një projekt të tillë, që njihet si Kosova e Re?
  
Claudio Viezzoli:   Përgjigja e kësaj pyetjeje, është PO,  në kuptimin që ne jemi dakord me vlerësimin, se në Kosovë, energjia është një sektor strategjik dhe në veçanti, Kosova C, apo Kosova e Re.  Çështja kryesore është përcaktimi i teknikaliteteve financiare dhe i modaliteteve të  këtij projekti. Pra përgjigja është PO, ne do të angazhohemi dhe jemi angazhuar tashmë në diskutimin  dhe përgatitijen e këtij projekti me autoritetet Kosovës dhe insitucionet ndërkombëtare  që tashmë i kanë filluar diskutimet për këtë çështje prej disa kohësh. Ne kemi disa parakushte për ta vazhduar këtë projekt, për financimin e tij. Një prej tyre është që tenderat për këtë projekt të zhvillohen me drejtësi dhe ndershmëri, sipas procedurave transparente në shkallë botërore.  Parakushti i dytë është ekzistenca e një operatori të sektorit privat, që të jetë i gatshëm të rrezikojë paratë në këtë investim,  që ai të jetë i sigurtë.   Dhe së treti, janë parakushtet e tjera teknike. Ne duam që ky termocentral të ndërtohet sipas strandarteve teknologjike dhe atyre më të mira mjedisore; që ai të mbështetet edhe nga shoqëria civile në Kosovë, duke patur parasysh që ky projekt do të ekzistojë në afat të gjatë. 
 
Zëri i Amerikës:  Zoti Viezzoli, kohët e fundit në Kosovë u privatizua  kompania e shpërndarjes së energjisë. A ka BERZH plane të ofrojë financime për kompaninë që fitoi tenderin?
 
Claudio Viezzoli:   Po. Ne kemi filluar bisedime me kompanitë që morën pjesë në procesin e privatizimit, ne do të marrin pjesë; por do të marrim pjesë nëse do të kemi garanci që ky process do të zhvillohet me transparencë dhe sipas standarteve ndërkombëtare; që  fituesi do të ketë burime financiare të besueshme dhe të sigurta, dëshirën dhe aftësinë për të investuar. Atëhere ne do të biem dakord ta financojmë projektin.
 
Zëri i Amerikës:  Si do t’u vijë në ndihmë BERZH bizneseve të vogla dhe të mesme, përfshirë sektorin e agrobiznesit, që është i rëndësishëm për vendin?
 
Claudio Viezzoli:   Ne kemi një numër objektesh dhe mekanizmash që përdorim në rajon  dhe në Ballkanin Perëndimor, për të financuar ndërmarrje të suksesshme të vogla dhe mesatare, fillimisht përmes bankave tregtare, që ato të financojnë ato biznese që janë të përkushtuara. Por ne investojmë edhe në mënyrë të drejtpërdrejtë tek këto biznese, përmes letrave me vlerë dhe tashmë kemi zhvilluar një sërë invetsimesh të kësaj natyre në Kosovë.
 
Zëri i Amerikës:  A do ta shqyrtojë BERZH mundësinë e ndihmës për fituesin e tenderit për privatizimin e postës dhe telekomunicioneve në Kosovë?
 
Claudio Viezzoli:   Po, ne po e shqyrtojmë këtë, madje kemi filluar të angazhohemi me kompanitë që marrin pjesë në procesin e privatizimit. Përsëri, theksoj se duam të sigurohemi që procesi të jetë  i drejtë dhe transparent. Në varësi të këtij kushti dhe të një plani të mirë biznesi, ne do ta financojmë edhe këtë projekt.
Ky forum është mbyllur
Përzgjedhja e komenteve
Komente
     
nga: Adnan Ibrahimi nga: Prishtina
06.02.2013 12:29
U permend privatizimi i kek-ut. Mendoj se pjese te vecanta mund te privatizohen, por si do te privatizohej tere kek-u kur dihet se perfshine hapesire aq te madhe-veshtire te besohet. Me respekt Adnani

Ditari

Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
Ditarii
X
30.07.2014
Emisioni televiziv Ditari

SHKARKONI PROGRAMIN FALAS TË ZËRIT TË AMERIKËS (VOA) PËR CELULARIN OSE TABLETIN TUAJ

 
Download mobile app for your Android device.
Download mobile app for your iPhone or iPad.

LAJME

Qafë Mollë: shembet tuneli, tre punëtorë humbin jetën

Ngjarja ka ndodhur në fshatin Frang të rrethit të Mirditës, ku po ndërtohet hidrocentrali i Qafë Mollës.
Më tepër

Senati voton pro debatit mbi ligjin e propozuar nga Presidenti Obama

Ligji do të siguronte shumicën e shumës prej $3.7 miliardë dollarësh të kërkuar nga Presidenti, për trajtimin e nevojave humanitare, juridike dhe zbatimit të ligjit në kufirin SHBA -Meksikë.
Më tepër

SHBA, OKB dënojnë sulmin ndaj shkollës në Gazë

Zëdhënësja Meehan tha se SHBA janë jashtëzaknisht të shqetësuara që mijëra palestinezë që janë detyruar të braktisin shëpitë e tyre nuk mundet të jenë të sigurtë në strehimet e OKB-së
Më tepër

Breedlove: Radikalizmi – shqetësim për të gjitha vendet e NATO-s

Komandanti i lartë i NATO-s Philip Breedlove tha në Prishtinë se radikalët që stërviten në zonat e konflikteve dhe kthehen në vendet e tyre, janë shqetësim për të gjithë
Më tepër

Shkup, dënime për protestuesit shqiptar

Një gjykatë në Shkup dënoi me nga tre vjet burg gjashtë nga tetë personat e akuzuar për sjellje të dhunshme në protestat e katër korrikut
Më tepër

Amerika në 60 sekonda

Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
Amerika në 60 sekondai
|| 0:00:00
...
 
🔇
X
29.07.2014
Amerika në 60 sekonda

FOTO E DITËS

Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
  • A statue of Buddha and storm debris are covered with mud outside a flooded house after heavy rains hit the town of Ittre, Belgium.
  • Russia's President Vladimir Putin (C) chairs a government meeting at the Novo-Ogaryovo state residence outside Moscow.
  • Workers cross the Millenium Bridge with the City of London seen behind, in London, Britain.
  • An algae-covered river is seen in Shanghai, China.
  • Palestinians flee their houses following what witnesses said was an Israeli air strike on a nearby house in Khan Younis in the southern Gaza Strip.
  • A Palestinian girl who lost five family members in what medics said was Israeli shelling during an Israeli ground offensive, weeps outside a hospital in Beit Lahita in the northern Gaza Strip.
  • A fallen minaret, (bottom r), is seen as Palestinians inspect the damage to the Al-Sousi mosque, that was destroyed in an Israel strike at Shati refugee camp in the northern Gaza Strip.
  • A boy looks through a hole on the wall made after an Israel strike at the Abu Hussein U.N. school in the Jebaliya refugee camp in the northern Gaza Strip.
  • A South Korean student displays a message during a rally against the Israeli military operations in Gaza and the West Bank near the Israeli Embassy in Seoul, South Korea.
  • A man poses on the stairs to a parking structure outside UCLA's Pauley Pavilion sporting arena as water flows down from a broken 30 inch water main onto Sunset Boulevard near the UCLA campus in the Westwood section of Los Angeles, California, July 29, 2014.
  • Pittsburgh Pirates relief pitcher Mark Melancon delivers a pitch against the San Francisco Giants during the ninth inning at AT&T Park. The Pirates defeated the Giants 3-1, July 29, 2014.
  • Bubba Watson hits from the sand to the 17th green during practice for the Bridgestone Invitational golf tournament in Akron, Ohio.
  • Dressed as Charlie Chaplin, Guatemalan Uriel Cifuentes strikes a pose while marching in the Parade of Clowns as part of the sixth annual Latin American Clown Congress in Guatemala City, July 29, 2014.
  • A farmer carries paddy for transplantation on the outskirts of Gauhati, India.

Interaktive