Akuza ndaj ish ministrit të jashtëm izraelit
Zyrtarë të drejtësisë thonë se janë ngritur akuza për mashtrim dhe shkelje të autoritetet ndaj zotit Avigdor Liberman
Zyrtarë të drejtësisë në Izrael thonë se janë ngritur zyrtarisht akuza për mashtrim dhe shkelje të autoritetet ndaj ish-ministrit të jashtëm Avigdor Liberman.
Ministria e Drejtësisë paraqiti sot akt-padinë ndaj zotit Liberman në një gjykatë në Jeruzalem.
Zyrtarë të drejtësisë thanë se ish-ministri i jashtëm akuzohet se ka ngritur në karrierë një diplomat izraelit, i cili kishte furnizuar në mënyrë të paligjshme zotin Liberman me informata mbi një hetim që po zhvillonte policia lidhur me të.
Avigdor Liberman dha dorëheqjen si Ministër i Jashtëm në fillim të muajit, kur u informua që po përgatiteshin akuza ndaj tij. Ai këmbëngul që është i pafajshëm.