E enjte, 05 maj, 2016

    Lajme / Ballkani

    Topalli: "Opozita bllokoi integrimin europian"

    Zonja Topalli u bëri thirrje prokurorëve që të bëjnë një betejë pa kompromis dhe pa frikë kundër korrupsionit, dhe të mos përdoren politikisht.

    x
    Ilirian Agolli
    Kryetarja e parlamentit shqiptar, Jozefina Topalli, deklaroi sot se disa prokurorë shesin dosjet hetimore, duke bërë korrupsion me njerëzit që duhen ndëshkuar. Ajo u kërkoi hetuesve ta luftojnë krimin me guxim, sepse kjo është puna më e rëndësishme për Shqipërinë.
     
    Zonja Topalli u bëri thirrje prokurorëve shqiptarë që të bëjnë një betejë pa kompromis dhe pa frikë kundër korrupsionit, dhe të mos përdoren politikisht. Zonja Topalli tha në një konferencë shtypi se angazhimi i hetuesve kundër korrupsionit është pjesë e reformave në drejtësi, ndaj prokurorët duhet të hapin të gjitha dosjet dhe të ndalin pazaret dhe shitblerjen e dosjeve dhe të çështjeve hetimore në prokurori.

     

    “Nuk ka gjë më të rëndësishme se sa lufta kundër korrupsionit dhe krimit të organizuar për ne në Shqipëri. Nuk ka shtyllë me delikate, e cila ka nevojë për t’u konsoliduar, se sa drejtësia. Provojeni veten si qytetarë të thjeshtë që shkojnë i shesin dhe i blejnë dosjet, apo shiten nëpër tenderë. Është ftesë. Është thirrje. Është kërkesë. Është një betejë kundër korrupsionit, është detyrë e tyre. Është betejë kundër krimit, është detyrë e tyre. Kanë marrë votën e të gjithëve, kështu që ta kthejnë në vepër” - tha ajo.
     
    Zonja Topalli tha po ashtu se opozita socialiste pengoi integrimin europian të Shqipërisë, duke mos votuar 3 ligjet e kërkuara nga Bashkimi Europian. “Deputetët e opozitës gjatë këtij viti votuan pro një seri ligjesh, edhe pse mjaftonte një shumicë e thjeshtë, por nuk votuan ato 3 ligje ku duhej vota e tyre me shumicë të cilësuar, gjë që e kërkoi edhe BE para se të shprehej për statusin kandidat të Shqipërisë. Opozita pengoi integrimin europian të Shqipërisë pikërisht në 100 vjetorin e shtetit shqiptar, - tha zonja Topalli, - duke mos votuar ato ligje të kërkuara nga Europa, ndërsa pas disa muajsh ka zgjedhje, dhe qytetarët do të shprehen me vota për këtë që ndodhi”.
     
    Kryetarja e parlamentit theksoi se legjislaturën tjetër do të forcohen kontrollet e ligjvënësve ndaj institucioneve se sa i zbatojnë ligjet e miratuara, për të përmbushur kritikat se ligjet janë të mira por nuk zbatohen dhe se kjo mund të vlerësohet si një mangësi e deritanishme e veprimtarisë parlamentare.
    Ky forum është mbyllur
    Përzgjedhja e komenteve
    Komente
         
    nga: Petro Jashari nga: U S A
    29.12.2012 06:09
    Ne prag te fushates elektorale Jozefina therret me te madhe;" Do bejme lufte de more de",lum ti Shqiperi me ne krye ne".Por populi s'ta perton e me te drejte pyet; Xhozefina, ligjeron shume bukur por ku ishte dje? Hajduterija ne kupole e kriminalizuar totalisht e ndodhur ne nje rruge pa krye eshte hedhur ne nje propagande mashtrimi e shpifjesh per riperseritjen e ciklit te vjedhjes votave.Me konkretisht; Sali Berisha si mik i Sllobodanit mbasi u sfidua nga mbare kombi ne Vloren e flamurit pa pritmas u kthye ne nacjonalist i flaket jo vetem i Shqiperise por i gjithe Ballkanit. Ne kete vazhde Ilir Meta per te mashtruar elektoratin ne Berat mori flamurin e kritikut te qeverise. Po ne kete vazhde per te mashtruar opinjonin edhe Jozefina i caktuan ne ise flamurin e anti korrupsjonit ne nje kohe kur opinjoni e njeh fare mire si pjestare ne kupolen e hajduteve.Ne perfundim thirrja ime eshte: Shqiperija do rilinde; Ne zgjedhjet e ardheshme parlamentare, asnje vote per kupolen e hajdutave.


    nga: Hysen nga: Milano
    28.12.2012 23:37
    Nuk ka institucion ne Shqiperi qe nuk eshte i Korruptuar ne te gjitha nivelet . Korrupsioni tashme preceptohet si fenomen i "natyrshem" dhe element identifikues i vete modelit OLIGARKOBERISHIAN te qeverisjes. dhe ne te njejten kohe shprehja me e qarte e falimentimit te vete qeverise .


    nga: Vasel Malaj nga: SHBA
    28.12.2012 21:15
    Si ish Oficer Policie me Detyren Shef i Policise Kufitare dhe Zv. SHef i Komisariatit te Policise ne M.Madhe dhe si Qytetare i SHBA dua tju Deklaroje te verteten e pa mohueshme se kushdo qe ka tentuar te punoje seriozisht ne zbatimin e Ligjit ne perputhje me permbushjen e detyres ne organet e Policise, siç eshte lufta kunder Krimit te organizuar, trafiqeve dhe korrupsionit, ose kane futur Kriminele qe kane pase mbeshtetje nga Kupola e Mafies Komuniste per ti vrare ose i kane detyruar te largohen nga SHqiperia.Topalli eshte vetem nje ZHOL qe lidh letrat e Mafies Komuniste. Askush ne organet Exzekutive perfshi edhe sistemin e Drejtesise nuk munde te punoje me perkushtim te zbatimit te Ligjeve, pa u zhdukur kjo Mafie Komuniste, sepse duke zbatuar Ligjin ju bie ndesh direkt Interesave te kesaj Kupole Mafiozo-Komuniste, ku jane vete ZOT dhe vete SHKOP!!!!!!!


    nga: Xhevahir Gradica nga: Durres
    28.12.2012 21:01
    Korrupsioni e krimi nuk luftohen me fjale. Duhet sakrifice per t'u perballe me kete fenomen. Topalli, krahu saj politik, qeveria ne qender e ne baze te varur ligjerisht prej saj dhe te djtahteve ne pushtet i kane shpallur lufte njerezve te denje per pune dhe kane marre ne mbrojtje te korruptuar. Qytetari nuk zhgenjehet ngase ka korrupsion, por kur vëren se si qeveria dhe deputetet bertasin per lufte kunder korrupsionit ne nje kohe qe jane maja e korrupsionit. Duhet menduar seriozisht per te ndalur rrenimin e metejshem. Nese gjerat nuk do te ndryshojne deri ne zgjehdjet e qershorit, gjithçka do te jete shume vone.


    nga: Elba nga: U.S.A.
    28.12.2012 20:50
    Eshte teper vone Zonja Topalli.Korrupsioni ka marre hapesire te madhe.Duhen njeres te besueshem qe ta luftojne ate.Vetem ju jo.Mbase duhet te zbrese ndonje force POLITIKE NGA qIELLI.


    nga: Anonim
    28.12.2012 19:10
    Zonja Topalli u shpreh hapur per korupsionin dhe krimin e organizuar qe eshte bere pazar i hapur per 22 vjet resht ne demokraci nga Prokurore dhe Gjyqtare ,kane pazar me krimin e organizuar dhe me politiken dhe jane pasuruar ne menyre maramendese duke mbajtur Shqiperine peng te krimit te organizuare dhe na eshte refuzuare tre here resht statuesi per kandidat ne BE .Zonja Topalli nuk votoi kryeprokurorin Dhori Sollaku dhe tani Adriatik LLalla sepse nuk ka besim se do te luftojne krimin e organizuare ..Urime Zonja Topalli...Tani do te shikojme se sa do te luftoje krimin e organizuare kryeprokurori Adriatik LLalla dhe Presidenti Nishani.A do te zbardhni ngjarjet tragjike te Gerdecit dhe te 21 janarit.A do te zbardhni me emer mbiemer per aratisjen nga 2005 deri 2010 te 1.3 miliard dollare dhe per 22 vjet jane 6 miliard dollare..A do te zbardhni aferat e Qeveritareve dhe deputeteve..VEPRO TANI..

    Ditari

    Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
    Ditarii
    X
    04.05.2016

    LAJME

    Tiranë, Parlamenti debaton për aeroportet

    Komisioni parlamentar i ekonomisë debatoi për koncensionin e aeroportit të Rinasit dhe mundësinë e hapjes së dy aeporteve të rinj në Kukës dhe në Vlorë.
    Më tepër

    BE-ja dhe politikat e saj të emigracionit

    Propozimet e BE-së mbi krizën e emigracionit priten me kritika
    Më tepër

    Trupat ruse do patrollojnë kufijtë pranë NATO-s

    Rusia thotë se do të dislokojë tre divizione trupash përgjatë kufijve të saj, si kundërpërgjigje ndaj rritjes së pranisë ushtarake të NATO-s në Evropën Lindore
    Më tepër

    John Kasich tërhiqet nga gara presidenciale

    Kjo i hap rrugë zgjedhjes së manjatit Donald Trump si kandidat i Partisë Republikane në zgjedhjet presidenciale të nëntorit
    Më tepër

    Akuzat për presidenten braziliane

    Shtypi brazilian njofton se prokurori i përgjithshëm i vendit i ka kërkuar Gjykatës së Lartë të fillojë hetimet nën akuzat për pengim të drejtësisë ndaj presidentes Dilma Rouseff
    Më tepër

    FOTO E DITËS

    Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
    • A member of the NATO parachute demonstration team lands during a change of command ceremony at NATO military headquarters in Mons, southern Belgium.
    • A tourist takes pictures of Buddha statues at a temple in Colombo, Sri Lanka.
    • Farmers work in a field of blossoming tulips in Den Helder, northern Netherlands.
    • Afghan burqa-clad women sit after they received ration aid in Kandahar.
    • A woman pass by a graffiti in Beirut, Lebanon.
    • Italian pilgrims attend the weekly general audience in Saint Peter's Square, Vatican City.
    • The 1109-carat "Lesedi La Rona" diamond is displayed in a case at Sotheby's in the Manhattan borough of New York, USA.
    • Athlete Kamukaika Lappa of the Yawalapiti ethnic group takes part in the Olympic Flame torch relay in Brasilia, Brazil, May 3, 2016.
    • A woman with a physical disability is hoisted up a pedestrian bridge by fellow protesters during a rally protest demanding the government for a monthly subsidy, in La Paz, Bolivia, May 3, 2016.
    • Sydney's central business district lights up after sunset as Australia's largest city experiences unseasonably warm temperatures.
    • People stand on balconies to watch a fashion show by German designer Karl Lagerfeld as part of his latest inter-seasonal Cruise collection for fashion house Chanel at the Paseo del Prado street in Havana, Cuba, May 3, 2016.
    • Models present creations by French fashion house Chanel in Havana, Cuba, 03 May 2016.
    • Britain's Kate, Duchess of Cambridge views one of the installations during a tour and official opening of the new Magic Garden at Hampton Court Palace in London.
    • A Star Wars fan, dressed as R2D2 robot, arrives during the annual Star Wars Day in Taipei, Taiwan.

    Interaktive

    Nuk keni telefon inteligjent?
    Nuk ka problem!
    Shkarkoni falas aplikacionin e VOA në telefonin tuaj.

     Shkarkoni aplikacionin mobil për tipin e telefonit tuaj.