E mërkurë, 01 tetor, 2014

Lajme / Ballkani

Ekspertët: Moment vendimtar për marrëdhëniet Kosovë-Serbi

Dy vendet duhet të shënojnë përparim brenda disa javësh

x
Keida Kostreci

Kosova dhe Serbia përfunduan dje raundin e pestë të bisedimeve në  nivel kryeministrash, me njoftimin se takimi i ardhshëm do të mbahet më 4 mars. Bisedimet e radhës nuk sollën ndonjë marrëveshje, por sipas shefes së diplomacisë së Bashkimit Evropian, Catherine Ashton shënuan përparim. Ndërkohë Grupi Ndërkombëtar i Krizave nxorri një raport për rrugën drejt normalizimit të marrëdhënieve mes dy vendeve.

Ekspertët janë të një mendjeje se ky është një moment vendimtar për marrëdhëniet mes Prishtinës dhe Beogradit, sepse nga njëra anë palët janë për herë të parë kaq pranë një zgjidhjeje dhe nga ana tjetër është e nevojshme që sa më shpejt të arrihet një sukses i prekshëm për Veriun.



“Ka ardhur koha që kryeministrat e Kosovës dhe Serbisë të tregojnë kurajon e duhur dhe të ndërmarrin hapa të vendosur që jetesa për serbët e veriut të Kosovës të përputhet me strukturën administrative të Kosovës, duke marrë njëkohësisht parasysh nevojat e popullsisë lokale”.

Drejtori i Projektit për Ballkanin për Grupin Ndërkombëtar të Krizave, Marko Prelec thotë se për herë të parë të dyja vendet kanë parasysh të njëjtën gjë kur flasin për Kosovën Veriore. Ai thotë se një nga sfidat kryesore është se a duhet lidhur përparimi për Veriun, me pozitën e Kosovës në arenën ndërkombëtare, përfshirë anëtarësimin eventual në OKB.

Zëvendës Presidenti i Këshillit të Atlantikut këtu në Uashington, Damon Wilson nuk sheh mëdyshje për këtë pyetje, duke theksuar se Shtetet e Bashkuara janë krenare që e kanë njohur Kosovën dhe duan që një gjë të tillë ta bëjnë të gjithë anëtarët e Bashkimit Evropian.

“E rëndësishme për momentin nuk është që t’i kërkohet Serbisë të marrë një vendim të vështirë për ta, por të heqë dorë nga pengesat për pjesëmarrje të Kosovës në aktivitetete kulturore dhe sportive, të heqë dorë nga bllokimi aktiv i pjesëmarrjes së Kosovës në organizma ndërkombëtarë dhe sigurisht që përfundimisht kjo do të thotë edhe anëtarësim në OKB”.

Një nga pikat e nxehta është se Kosova sheh si pikë referimi Planin Ahtisaari për strukturat e Veriut, ndërsa Serbia platformën e miratuar nga parlamenti i saj. Por zoti Prelec thotë se kjo është çështje terminologjie dhe të dyja planet kanë përputhje të madhe dhe se nuk është ndonjë problem që të ketë një strukturë rajonale në Kosovën Veriore, të cilës Beogradi t’i referohet si një njësi autonome dhe Kosova t’i referohet si partneritet bashkiak që Plani Ahtisaari e parashikon.

"Për Bashkimin Evropian, Veriu është pjesë e Kosovës, nuk ka dyshim për këtë. Kjo është edhe një nga pikat interesante të platformës serbe, pasi edhe aty pranohet se Veriu është pjesë e Kosovës dhe do të ketë lidhje administrative dhe të drejtësisë me pjesën tjetër të Kosovës. Ky është hap i madh dhe krejtësisht i ri që nuk e kemi parë më përpara”.

Zoti Prelec thotë se Bashkimi Evropian nuk ka nevojë të marrë një qëndrim për këtë, pasi BE-ja ndërvepron me shtete, çka do të thotë që në këtë rast do të ndërveprojë me Kosovën.

Në mënyrë që të dyja palët të jenë në gjendje të arrijnë sukses deri në qershor, ato duhet të veprojnë me shpejtësi.

“Gjermania është lojtari kyç për këtë kalendar. Sipas ligjit gjerman, Bundestagu duhet të miratojë çdo anëtarësim dhe kjo do të marrë një farë kohe. Që kjo të realizohet deri në qershor, nën presidencën irlandeze, ata duhet ta marrin vendimin në prill, ose maj, pra dritarja është gjashtë javët e ardhshme që Kosova dhe Serbia që të arrijnë sukses”.

Zoti Wilson thotë se është normale që palët të vijnë në negociata me mendime të ndryshme.

“E rëndësishme është që udhëheqësit politikë që marrin pjesë në këto bisedime, sjellin me vete edhe popullsinë që përfaqësojnë, po ndihmojnë që të vendosin standarde më të larta, të ndryshojnë perceptimin e publikut, të krijojnë një hapësirë më të gjerë në sferën publike për rezultatet e pritshme”.

Zoti Wilson thotë se Uashingtoni dhe Brukseli janë të të njëjtit qëndrim në idenë që udhëheqësit e të dyja palëve duhet të shënojnë sukses në këto çështje dhe të fillojnë t’i zgjidhin ato.

“Shpërblimi për këto qëndrime do të jetë i jashtëzakonshëm: për Kosovën marrëveshja e Stabilizim-Asociimit dhe për Serbinë negociatat për anëtarësim”.

Por ai e sheh gjithë procesin me optimizëm dhe thotë se gjithçka duhet parë në perspektivë dhe bisedimet mes dy vendeve janë të jashtëzakonshme për normalitetin e tyre. Duke pasur parasysh se ku kanë qenë marrëdhëniet, kjo është një arritje e madhe, thotë ai.

Ky forum është mbyllur
Komente
     
Në këtë forum nuk ka ende komente. Bëhuni i pari që komentoni

Ditari

Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
Ditarii
X
30.09.2014
Emisioni televiziv Ditari sjell pranë jush lajmet më të fundit nga bota, korrespondencat nga rajoni, intervista dhe analiza me tema nga më të larmishmet.

LAJME

Afganistani nënshkruan Marrëveshjen Bilaterale të Sigurisë

Marrëveshja Dypalëshe e Sigurisë lejon trupat amerikane të këshillojnë, trajnojnë dhe financojnë forcat afgane të sigurisë.
Më tepër

Të drejtat e njeriut në Turqi

Organizata “Human Rights Watch” paralajmëron për një prirje autoritare në Turqi
Më tepër

Presidenti Obama takohet me kryeministrin e Indisë

Presidenti Barak Obama dhe Kryeministri i Indisë Narendra Modi thonë se ata kanë rënë dakord për "të thelluar" dhe "zgjeruar" partneritetin mes dy vendeve të tyre.
Më tepër

Diagnostikohet rasti i parë i Ebolës në SHBA

Kreu i Qendrës për Kontrollin e Sëmundjeve, Dr. Tom Frieden, konfirmoi të martën se virusi që mund të jetë vdekjeprurës u gjet në një burrë i cili ishte infektuar në Liberi.
Më tepër

Problemet me Shërbimin Sekret amerikan

Shefja e Shërbimit Sekret amerikan tha se shkelja e fundit e sigurisë në Shtëpinë e Bardhë është e papranueshme
Më tepër

FOTO E DITËS

Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
  • Vehicles drive by as a display of Aurora Borealis (Northern Lights) is seen north of the Arctic Circle, over the village of Mestervik in northern Norway.
  • Visitors walk under the umbrellas on display over Cheonggye stream during a campaign to raise money to help underprivileged children in Seoul, South Korea.
  • An injured boy sits next to another near a site hit by what activists said was a barrel bomb dropped by forces loyal to Syria's President Bashar al-Assad in Sheikh Khodr area in Aleppo.
  • Pro-democracy demonstrators gather for the third night in Hong Kong to demand full universal suffrage after Beijing said it would allow elections for the semi-autonomous city's next leader in 2017 but would vet the candidates.
  • Independent humanitarian medical group Medecins Sans Frontieres (MSF) personnel carry a man suspected of having the deadly Ebola virus inside MSF's Ebola isolation and treatment center in Monrovia, Liberia.
  • Syrian Kurds get into a truck after crossing the border between Syria and Turkey. Several mortar rounds hit both side of the southeastern town of Suruc, in the Sanliurfa province.
  • German fashion designer Karl Lagerfeld (C) acknowledges the public as Brazilian model Gisele Bundchen (back-C) speaks through a megaphone while she and other models fake a demonstration as they present creations for Chanel 2015 Spring/Summer ready-to-wear collection fashion show at the Grand Palais in Paris, France.
  • China's Gao Xinglong competes in the men's long jump final at the 17th Asian Games in Incheon, South Korea.
  • Aerial view of a river in Peru's Amazon region of Loreto
  • An Indian electrician arranges loudspeakers during a Dusshera festival loudspeaker competition ahead of the forthcoming Dusshera festival in Allahabad.
  • Firefighters take part in a training at an underground gas storage depot in the village Opari, some 70 kms south-west from Lviv, Ukraine.
  • A school of fish swim in a fish tank during the inauguration of the aquarium of Sevilla, Spain.
  • This long exposure picture shows vehicles on roads during rush hour on the eve of the National Day holidays in Shanghai, China.

Interaktive

Amerika në 60 sekonda

No records found for this widget:806

Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.

SHKARKONI PROGRAMIN FALAS TË ZËRIT TË AMERIKËS (VOA) PËR CELULARIN OSE TABLETIN TUAJ

 
Download mobile app for your Android device.
Download mobile app for your iPhone or iPad.