E dielë, 14 shkurt, 2016

    Lajme / Ballkani

    BE-ja me kuadër kohor për MSA-në me Kosovën

    Ministrat e Jashtëm të BE-së do të shqyrtojnë në pranverë nëse Kosova ka përmbushur kriteret për marrëveshjen e stabilizim asociimit.

    x
    Bashkimi Evropian nuk ka një datë për fillimin e negociatave për përfshirjen e Kosovës në marrëveshjen e stabilizim asocimit, por ka caktuar një kuadër kohor që lë mundësinë e një vendimi për këtë çështje në pjesën e parë të vitit 2013.

    Kosova ishte pjesë e përfundimeve të këshillit të Bashkimit Evropian për vendet e Ballkanit Perëndimor. Duke ripërsëritur qëndrimin se BE-ja është e përkushtuar të vazhdojë procesin e zgjerimit, ministrat evropian theksuan se ritmi i afrimit të vendeve të Ballkanit perëndimorë më Bashkimin Evropian varet nga përmbushja e kritereve të përcaktuara.

    Në përfundimet e tyre thuhet se “Këshilli merr në dijeni studimin e fizibilitetit për marrëveshjen Stabilizim Asociimi ndërmjet BE-së dhe Kosovës, pa paragjykuar qëndrimin e shteteve anëtare për statusin e saj. Këshilli merr në dijeni se Komisioni Evropian do të propozojë negociatat për këtë marrëveshje kur Kosova të ketë përmbushur përparësitë afatshkurta lidhur me sundimin e ligjit, administratën publike, mbrojtjen e pakicave dhe tregtinë, kritere të përfshira në Studimin e Fizibilitetit”.

    Në dokument thuhet se "Këshilli, i bënë thirrje Kosovës që të shtojë ritmin e reformave. Angazhime të mëdha duhen posaçërisht për forcimin e reformës së administratës publike dhe forcimin e sundimit të ligjit, në veçanti duke dhënë dëshmi për luftën kundër krimit të organizuar dhe korrupsionit, reformën e gjyqësorit dhe lirinë e shprehjes“.

    Bashkimi Evropian i bëri thirrje Kosovës që të vazhdojë angazhimin konstruktiv në bisedimet me Serbinë dhe të zbatojë të gjitha marrëveshjet e arritura deri më tash. Një vëmendje e posaçme i është kushtuar bashkëpunimit të saj me misionin e Bashkimit Evropian për policinë dhe drejtësinë.

    "Këshilli i bën thirrje Kosovës të bëjë përparime të mëtejme në fushat kryesore, përfshirë edhe bashkëpunimin me EULEX-in dhe punën e ekipit të posaçëm hetues të EULEX-it, të kryejë obligimet e saj. Këshilli nënvizon rëndësinë që Kosova të ruajë bashkëpunimin e saj të ngushtë me EULEX-in duke respektuar mandatin e rivendosur të këtij misioni”, thuhet mes tjerash në përfundimet e Këshillit të BE-së.

    "Me qëllim të marrjes së mundshme të vendimit për hapjen e negociatave për marrëveshjen e stabilizim asociimit me Kosovën, Këshilli do të shqyrtojë në bazë të raportit që do të paraqitet nga KE në pranverë të vitit 2013, përparimin e arritur në të gjitha çështjet e lartpërmendura. Këshilli do ta vlerësojë këtë raport gjatë presidencës së ardhshme. Në rast se vlerësimi është pozitiv, Këshilli do të miratojë hapjen e negociatave”, përfunduan ministrat e BE-së.

    Në fund të marsit të këtij viti komisionari për zgjerim i Bashkimit Evropian Stefan Fule, u dorëzoi autoriteteve të Prishtinës, dokumentin për fillimin e studimit të fizibilitetit për përfshirjen në marrëveshjen e stabilizim asocimit me Bashkimin Evropian.

    Fillimi i studimit të fizibilitetit u bë i mundur pas marrëveshjes së arritur në fillim të atij muaji ndërmjet Kosovës dhe Serbisë për përfaqësimin rajonal të Kosovës, marrëveshje që i mundësoi Serbisë ndërkaq të marrë statusin e vendit kandidat për anëtarësim në Bashkimin Evropian.

    Të dyja palët u përfshinë në një proces të ri bisedimesh për normalizimin e marrëdhënieve ndërmjet tyre në përpjekje për të përshpejtuar procesin e afrimit me Bashkimin Evropian që është edhe ndërmjetësues i këtyre bisedimeve.
    Ky forum është mbyllur
    Komente
         
    Në këtë forum nuk ka ende komente. Bëhuni i pari që komentoni

    Ditari

    Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
    Ditarii
    X
    13.02.2016
    Emisioni televiziv Ditari sjell pranë jush lajmet më të fundit nga bota, korrespondencat nga rajoni, intervista dhe analiza me tema nga më të larmishmet. Ju mund të gjeni gjithashtu të rejat e fundit nga mjekësia dhe shkenca, si edhe nga bota e artit.

    LAJME

    Vdes Scalia, anëtar i Gjykatës së Lartë të SHBA

    Antonin Scalia, 79 vjeç, vdiq nga shkaqe natyrore në Cibolo Creek Ranch, një vendpushim i Teksasit
    Më tepër

    SHBA përforcon mbështetjen për Evropën

    Sekretari amerikan i Shtetit, John Kerry, tha se SHBA ka një “interes të thellë” në fuqizimin e Evropës përballë tensioneve të reja me Rusinë dhe fluksit të papreçedent të refugjatëve
    Më tepër

    Ndikimi rus në Ballkan

    Vëzhguesit thonë se propaganda, organizatat dhe shoqatat kulturore ruse kanë shtuar praninë në Serbi, Mal të Zi, Shqipëri dhe Maqedoni
    Më tepër

    SHBA, kurset e trajnimit dhe tregu i punës

    Një qendër trajnimi në Merilend, u mëson studentëve profesione që i ndihmojnë të gjejnë vende pune
    Më tepër

    Aktoret e reja për çmimin Oskar

    Aktoret e nominuara për çmimin Oskar janë të moshës së re, të talentuara dhe konkurruese
    Më tepër

    FOTO E DITËS

    Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
    • Thousands of faithful are coming to the Basilica of Our Lady of Guadalupe where Pope Francis will celebrate Mass on Feb. 13, Mexico City. (C. Mendoza/VOA)
    • Security was tight days ahead of the papal visit, Mexico City. (C. Mendoza/VOA)
    • Images of Pope Francis are plastered all over Mexico City. (C. Mendoza/VOA)
    • A statue of Pope John Paul is seen near the Basilica of Our Lady of Guadalupe, Mexico City. (C. Mendoza/VOA)
    • Women drop off flowers at the Basilica of Our Lady of Guadalupe ahead of the papal visit, Mexico City. (C. Mendoza/VOA)
    • Pilgrims of all ages make their way to the Basilica of Our Lady of Guadalupe to see Pope Francis, Mexico City. (C. Mendoza/VOA)

    Interaktive

    Nuk keni telefon inteligjent?
    Nuk ka problem!
    Shkarkoni falas aplikacionin e VOA në telefonin tuaj.

     Shkarkoni aplikacionin mobil për tipin e telefonit tuaj.