E martë, 21 tetor, 2014

Lajme / Ballkani

Hooper: Kosova në OKB, të jetë pjesë e bisedimeve

x
Keida Kostreci
Kryeministrat e Kosovës dhe Serbisë zhvilluan takimin e dytë në Bruksel, duke rënë dakord për zbatimin e marrëveshjeve të deritanishme.  Për ekspertët, vazhdimi i bisedimeve në nivel politik ishte diçka e pashmangshme.

Por James Hooper i Grupit për të Drejtën Ndërkombëtare Publike dhe Politikat thotë se tani janë pjekur kushtet për një zgjidhje përfundimtare, të mbëshetur tek sovraniteti i secilit vend, me marrëveshje territoriale të përcaktuara dhe fqinjësi të mirë. Zoti Hooper thotë se Bashkimi Evropian dhe Uashingtoni duhet ta kuptojnë që dritarja është e



“Në këndvështrimin tim duhet të ketë një paketë marrëveshjesh, sipas së cilës Veriu mbetet nën sovranitetin e Prishtinës, por të ketë një lidhje të ngushtë me Serbinë dhe ndoshta një marrëveshje të natyrës së Shengenit për kufirin, si edhe autonomi të plotë për banorët serbë të veriut”, thotë zoti Hooper.

Por ai shton se duke pasur parasysh se për arsye pragmatike si gjendja ekonomike dhe integrimi evropian, Serbia është e interesuar për zgjidhje serioze, paketa duhet të jetë më ambicioze.

“Duhet të përfshijë anëtarësim në Kombet e Bashkuara për Kosovën. Nuk do të thotë që Serbia të njohë Kosovën, sepse do të ishte e tepërt ta kërkoje këtë. Por nëse Serbia e tërheq kundërshtimin e saj për anëtarësimin e Kosovës në OKB dhe merr përgjegjësinë të bindë Rusinë që të abstenojë dhe të mos ta bllokojë një gjë të tillë në Këshillin e Sigurimit, kjo do të ishte një alternativë e pranueshme në pamundësi të njohjes së pavarësisë dhe kjo do të ishte e kënaqshme”.

Gjatë vizitës së saj në rajon, Sekretarja amerikane e Shtetit Hillary Clinton tha se nuk pritet nga Serbia që të njohë Kosovën. Megjithatë Ivan Vejvoda, nënpresident për programet në Fondin Gjerman Marshall të Shteteve të Bashkuara, thotë se ka hapësirë të mjaftueshme për hapa për përmirësimin e jetës së njerëzve.

“Gjithçka është e hapur për diskutim përveç njohjes dhe kjo do të thotë çdo lloj zgjidhjesh praktike, qarkullimi i lirë i mallrave, njerëzve dhe ideve. Por mbi të gjitha do të thotë zbatimi i marrëveshjeve të arritura deri tani dhe ndoshta edhe asaj më të vështirë për menaxhimit të kufirit”.

Por zoti Hooper thotë se  meqenëse sipas tij është hera e parë që ka një gërshetim interesash mes Serbisë dhe Kosovës, ky rast duhet përdorur për një arritje madhore dhe përfundimtare, jo vetëm për marrëveshje praktike si ato për të cilat është rënë dakord në bisedimet teknike.

“Një ide e tillë ka nevojë për imagjinatën e amerikanëve në mënyrë që ata të punojnë me evropianët për ta realizuar një gjë të tillë, sepse për momentin mesa kuptoj unë anëtarësimi në OKB nuk është pjesë e bisedimeve politike. Nëse këto bisedime politike sjellin një marrëveshje dhe anëtarësimi në OKB nuk është pjesë e tyre, atëherë druhem se Kosova nuk do të bëhet kurrë pjesë e OKB-së”.
  
Ky hap thotë zoti Hooper, do të ndihmonte Serbinë si edhe Kosovën në rrugën drejt anëtarësimit në Bashkimin Evropian.

Zoti Vejvoda vlerëson se vizita e Sekretares Clinton dhe shefes së politikës së jashtme të Bashkimit Evropian, Catherine Ashton në rajon, u përcolli të dyja palëve mesazhin se ato do të ndihmohen nëse ka rezultate pozitive.

“Ata e kuptojnë që ka një realitet në terren që lë pak vend për manovrim, sidomos për Serbinë për të gjetur një zgjidhje, prandaj është më mirë të lëvizet me shpejtësi dhe ndoshta të arrihet diçka sesa të ikë koha dhe të mos ketë gjë tjetër për të diskutuar”, thotë zoti Vejvoda.

Por ai shton se gjithsesi mbetet problemi i Veriut.
     
“Qoftë nëse bëhet fjalë për autonomi apo ndonjë zgjidhje tjetër, me siguri që do të ketë një diskutim për nivelin e autonomisë në atë zonë të Kosovës”.

Takimi mes kryeministrave Hashim Thaçi dhe Ivica Daçiç, u mbajt një ditë pas zgjedhjeve presidenciale në Shtetet e Bashkuara.  Zoti Vejvoda thotë se Ballkani nuk është prioriteti kryesor i politikës së jashtme amerikane por integrimi i Ballkanit ka rëndësi për Shtetet e Bashkuara.

“Fakti që Presidenti Obama u rizgjodh do të vazhdojë ta nënvizojë këtë interes, megjithëse nuk është përparësi. Edhe nëse do të kishte fituar zoti Romney, nuk besoj se do të kishte pasur ndryshim”.

Zoti Hooper është i të njëjtit mendim se kushdo që t’i fitonte zgjedhjet në Shtetet e Bashkuara, politika ndaj Ballkanit nuk do të ndryshonte, por ai thotë se për Kosovën pas zgjedhjeve do të ketë një humbje.

“Por ajo që do të humbë tani Kosova është Sekretarja Clinton. Ajo ishte Zonjë e Parë kur Presidenti Clinton udhëhoqi luftën dhe tani është Sekratare Shteti. Ajo ka thënë se do të largohet nga administrata gjë që do të jetë një humbje për Kosovën”.

Takimi i ardhshëm i kryeministrave Thaçi dhe Daçiç pritet të mbahet në fillim të dhjetorit.
Ky forum është mbyllur
Përzgjedhja e komenteve
Komente
     
nga: Anonim
09.11.2012 20:45
SERBIA DHE KOSOVA DUHET TE SHQYRTOJNE NE BISEDIME PER TU ANTARSUAR KOSOVA NE OKB.PO TE BIEN DAKORT SERBIA DHE KOSOVA PER TE BERE KOSOVA KERKESE OKB PER ANETARSIM EDHE RUSIA E MIRATON .KETE E KANE DEKLARUAR VEHTE RUSIA..

Ditari

Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.

LAJME

SHBA kërkon mbështetjen e vendeve aziatike në luftën kundër ISIS-it

Ushtria amerikane i dha ndihma nga ajri kurdëve në Kobani.
Më tepër

SHBA, gjyqi për sulmet në Benghazi

Një shtetas libian ka deklaruar pafajësinë në një gjykatë federale amerikane ku iu lexuan akuzat për përfshirje në sulmet e 11 shtatori 2011 në Bengazi të Libisë, ku u vranë katër shtetas amerikanë, përfshirë ambasadorin Chris Stevens.
Më tepër

AI: Të dyja palët në Ukrainë kryen vrasje pa gjyq

Organizata Amnesty International thotë se si separatistët pro-rusë, ashtu edhe forcat pro-Kievit janë përgjegjëse për “incidente të izoluara” vrasjesh pa gjyq në Ukrainën lindore
Më tepër

Rama: Pse nuk e anulova vizitën në Beograd?

Kryeministri shqiptar tha në mbrëmje se “anulimi i vizitës në Serbi nuk do të ishte përgjigja e merituar për gjithshka të padrejtë që ju bë Shqipërisë dhe shqiptarëve në kryeqytetin serb”
Më tepër

Sektori i naftës në Dakotën e Veriut

Shteti i Dakotës së Veriut ka një nga normat më të ulëta të papunësisë në vend, në saje të zhvillimit të sektorit të naftë
Më tepër

FOTO E DITËS

Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
  • A man reads under trees in fall color at Sheffield Park Garden near Haywards Heath in southern England.
  • Acrane in front of the sun as a sandstorm engulfs Kuwait City.
  • Indonesian President Joko Widodo gestures to the crowd during a street parade following his inauguration in Jakarta.
  • Kurdish refugees from the Syrian town of Kobani prepare tea in a camp in the southeastern town of Suruc, Sanliurfa province.
  • Thick smoke and flames from an airstrike by the U.S.-led coalition rise in Kobani, Syria, as seen from a hilltop on the outskirts of Suruc, at the Turkey-Syria border.
  • White tigers Olga and Ashka rest at the Zoo Pessac-Bordeaux in Pessac, France.
  • A street vendor spreads vermilion powder used for worship during the Tihar festival, also called Diwali, in Kathmandu, Nepal.
  • Hawaian surfer John John Florence competes during the quarter-final heat of the Moche Rip Curl Pro Portugal at Supertubos Beach in Peniche, Portugal.
  • Shih Tzu dogs look out from a chicken coop where they are temporarily placed by their owner as a fire razed a residential area in Manila, Philippines.
  • Members of Shwet Ashw, the motorcycle display team of the Indian army, lie in a row on ground as a motorist performs a stunt during the platinum jubilee celebrations of Corps of Military Police in Bangalore, India.
  • Kenyan students perform a Maasai traditional warrior song during the Mashujaa Day (Hero's Day) celebrations at the Nyayo National Stadium in Nairobi. The national holiday commemorates those who had taken part in the country's struggle for liberation.
  • Toy Lego characters depicting a scene of protesters confronting riot police are seen on a table outside the government headquarters in Hong Kong.
  • Wingsuit flyer contestant Melissa Pemberton of the U.S. jumps off a mountain at Tianmen Mountain National Park in Zhangjiajie, Hunan province, China, Oct. 19, 2014.
  • Indian schoolchildren perform yoga at Delhi Public School in Hyderabad.
  • Students from St. Andrews University, Scotland, covered in foam as they takes part in the traditional 'Raisin Weekend' in the Lower College Lawn.
  • Damian Jorren of Germany walks on a slackline during a show at Shenxianju in Taizhou, China.

Interaktive

Amerika në 60 sekonda

No records found for this widget:806

Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.

SHKARKONI PROGRAMIN FALAS TË ZËRIT TË AMERIKËS (VOA) PËR CELULARIN OSE TABLETIN TUAJ

 
Download mobile app for your Android device.
Download mobile app for your iPhone or iPad.