E shtunë, 29 gusht, 2015

Lajme / Ballkani

Kosova dhe Serbia në raundin e dytë të bisedimeve

Kryeministrat e Kosovës dhe Serbisë, Hashim Thaçi e Ivica Daçiç, thanë se janë pajtuar për zbatimin e shpejtë të marrëveshjeve të deritashme

x
Besim Abazi
Kryeministrat e Kosovës dhe Serbisë, Hashim Thaçi e Ivica Daçiç, u takuan mbrëmë në Bruksel me ndërmjetësimin e shefes së politikës së jashtme të Bashkimit Evropian, Catherine Ashton, për të vazhduar bisedimet e filluara më 19 tetor, në takimin e parë të tyre.

Zonja Ashton, e cila fillimisht i kishte takuar dy kryeministrat veç e veç, para se të mblidheshin së bashku në atë që është quajtur darkë pune, tha se takimi ishte konstruktiv. Ajo tha se ka pasur pajtim të plotë për zbatimin e të gjitha marrëveshjeve të arritura deri tash në bisedimet e ndërmjetësuara nga Bashkimi Evropian dhe kryeministrat janë pajtuar të vazhdojnë përpjekjet për normalizimin e marrëdhënieve ndërmjet Kosovës dhe Serbisë.

Kryeministri i Kosovës, Hashim Thaçi, tha se është zhvilluar një debat thelbësor për domosdoshmërinë e zbatimit të gjitha marrëveshjeve, posaçërisht të asaj për menaxhimin e përbashkët të kufirit dhe bashkëpunimin rajonal, ndërsa është diskutuar edhe çështja personave te zhdukur gjatë luftës në Kosovë.

Në një intervistë për Radiotelevizionin e Kosovës, kryeministri Thaçi tha se gjatë muajit dhjetor pritet të fillojë zbatimi konkret i marrëveshjeve në terren. Ai tha se është diskutuar bërja transparente e mjeteve financiare të Serbisë për strukturat paralele në Kosovë. Prishtina, tha ai, e respekton interesimin e ligjshëm te Beogradit për serbët e Kosovës, por të dyja vendet duhet të veprojnë si shtete të pavarura e sovrane.

Ai tha se në takimet e radhës do të shtrohen për debat edhe çështje politike që çojnë drejt normalizimit të marrëdhënieve Kosovë – Serbi.

Kryeministri serb Ivica Daçiç tha se takimi i radhës mund të ndodhë në fillim të muajit dhjetor, ndërsa mbrëmë është diskutuar për rrugët e zbatimit të marrëveshjeve të deritashme.

Ai tha se ka marrë zotimin e kryeministrit Thaçi se do të krijohet një njësi policore e përbërë edhe nga pjesëtarë të komunitet serb për mbrojtjen e manastireve serbe në Kosovë. Po ashtu, ai tha se është diskutuar edhe për projektin e ndërtimit të autostradës Nish – Prishtinë.

Të dyja palët janë shprehur në favor të këtyre bisedimeve, ndërsa procesi është mbështetur fuqishëm nga sekretarja amerikane e shtetit Hillary Clinton, e cila të mërkurën e kaluar, kërkoi vazhdimin e bisedimeve ndërmjet Kosovës dhe Serbisë, ndërsa kundërshtoi çfarëdo bisedimesh që prekin kufijtë e Kosovës.

Serbia refuzon të njohë pavarësinë e Kosovës, por është shprehur e gatshme të debatojë normalizimin e marrëdhënieve me Prishtinën.

Çështja e normalizimit të marrëdhënieve ndërmjet Kosovës dhe Serbisë është pjesë e kushtëzimeve që u janë bërë të dyja vendeve për përfshirjen në procesin e integrimeve evropiane. Serbisë i është kushtëzuar data e fillimit të negociatave për anëtarësim, ndërsa Kosovës, ajo e fillimit të negociatave për marrëveshjen e stabilizim asocimit.
Ky forum është mbyllur
Përzgjedhja e komenteve
Komente
     
nga: SKENDERBEU I ZEMRUAR nga: GJERMANIJA
08.11.2012 21:08
Thaqi njeh strukturat paralele te Serbis si ligjitime.Ai po ben legjitim finacimin e strukturave paralele nga Serbija.Ai rrespekton interesimin e ligjshem te Beogradit per serbet e Kosoves.Ne keto bisedime Kosova nuk asht shtet i pamvarur.Thaqi dorzon veriun e Kosoves Serbis .Nuk ka autoritet ne veri i mungon deshira dhe vullneti qe te shtrij rendin dhe ligjin edhe ne veri te Kosoves.Thaqi po i hape dyert Serbis ne veri duke lejuar qe te formohet edhe njisi speciale serbe per ruajtjen e kishave serbe me mir me thene per kthimin e policis se Serbis e cila asht faza e pare e ripushtimit te Kosoves nga Serbija.Se pari te hyjne policija e Serbis e cila ka qene asht dhe do te jete prezete ne Kosov e sot me legjimitimin e Thaqit.Thaqi po dorzon veriun dhe hap pas hapi ter Kosoven.Ai asht tabula rasa nuk mer vesh as me politik as diplomaci thjesht sherbtor i Beogradit.Thaqi do ta ndien veten me te sigurt ne mbrojtje te njisive speciale serbe.Dhe ne fund do te ike ne Beograd.Qeni i keq e bjen ujkun ne turisht.Nji thenje popullore.Ate qe nuk mundi ta bej Milosheviqi po e ben Thaqi.Rrezoj Flamurin ndryshoj emrin Kosoves zhduku shqipetaret nga Kosova .Ne Bruksel dorzoj Repuliken ne dialogun teknik dhe tani po e dorzon edhe pamvaresin.Thaqi po e sjell Serbin ne Kosove dhe po i jape fund pamvaresis se Kosoves.Me nji Kosove Europjane te iterguar te bashkuar me Serbin.Thaqi asht causa e Kosves.Beogradi dhe Brukseli do te shfrytezojn politiken e dobet pa provoj te kryeministrit Thaqi ashtu si ne Bosnje dhe Serbija do ti arrij qellimet e saja fale momopolit te Kosoves Hashim Thaqit.

Ditari

Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.

LAJME

Manovra ushtarake SHBA - K. e Jugut

Manovrat pasojnë disa ditë tensionesh mes Koresë së Veriut dhe asaj të Jugut.
Më tepër

Studentët dhe debati mbi imigracionin

Thirrjet për deportimin e emigrantëve të paligjshëm janë shqetësuese për studentët pa dokumente
Më tepër

Mustafa: marrëveshjet me Serbinë, të nevojshme

Katër marrëveshje, mes tyre edhe ajo për asociacionin e komunave me shumicë serbe, kanë nxitur kundërshtimin e partive opozitare.
Më tepër

Ekonomia e Nju Orlinsit 10 vjet pas uraganit

Gjendja e ekonomisë në qytetin Nju Orlinsnjë dekadë pas përmbytjes shkatërrues
Më tepër

Bashkitë, sfida e mbetjeve urbane

Ekspertët thonë se kërkohet unifikim i shërbimeve për mbetjet urbane dhe më shumë mbështeje nga qeveria qendrore
Më tepër

FOTO E DITËS

Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
  • Migrants wait for Macedonian police to allow them to cross at the border line between Greece and Macedonia near the town of Gevgelija.
  • South Korean army's Surion helicopter fires flare shells during the South Korea-U.S. joint military live-fire drills at Seungjin Fire Training Field in Pocheon, near the border with North Korea.
  • Stairs are all that remain of a house that once stood before Hurricane Katrina struck 10 years ago, Waveland, Mississippi.
  • An Indian Army soldier faints during a ceremony to commemorate the 50th anniversary of a war between India and Pakistan, at the India Gate war memorial in New Delhi.
  • A masked Kurdish boy sits in front of a barricade that blocks a road in Van, eastern Turkey, Aug.27, 2015.
  • A dog stands on a street covered with ash from the Cotopaxi volcano in Mulalo, south of Quito, Ecuador, Aug. 27, 2015.
  • A Naga sadhu, or a Hindu holy man, rubs ash onto his body before a procession during Kumbh Mela or the Pitcher Festival in Trimbakeshwar, India, Aug. 27, 2015.
  • A group of hikers are silhouetted against the moon in Tijuana, Mexico, Aug. 27, 2015.
  • Malaysian armed services personnel take part in rehearsals for upcoming National Day celebrations at the Independence Square in Kuala Lumpur.
  • A two-year-old orangutan hugs its mother, who is recovering after a health examination at Kao Pratubchang Conservation Center in Ratchaburi, Thailand, Aug. 27, 2015.

Interaktive

Nuk keni telefon inteligjent?
Nuk ka problem!
Shkarkoni falas aplikacionin e VOA në telefonin tuaj.

 Shkarkoni aplikacionin mobil për tipin e telefonit tuaj.