E dielë, 14 shkurt, 2016

    Lajme / Ballkani

    Prodhuesit shqiptarë dhe kriza rajonale

    Firmat porositëse kërkuan prodhime, por ndërprenë pagesat duke mbyllur apo reduktuar shumë firmave në Sarandë, Devoll dhe Gjirokastër.

    x
    Ilirian Agolli
    Kriza ekonomike rajonale ka sjellë vështirësi të mëdha për disa qindra firma shqiptare që prodhojnë veshje me mall nga porositësit. Drejtues të firmave shqiptare me fason thonë se në fillim firmat greke, dhe tashmë edhe ato italiane vonojnë pagesat e porosive të tyre, duke bllokuar firmat shqiptare. Shumë prej tyre janë mbyllur, ndërsa të tjerat po shkurtojnë punëtorët. Por ka edhe nga ato që po mbijetojnë, duke sjellë ide dhe investime të reja.
     
    Drejtuese e kompanisë Omega dhe presidente e Dhomës kombëtare të prodhimit të veshjeve, Lindita Legisi, thotë se kriza ekonomike rajonale ka prekur edhe Shqiërinë në mënyrë të ndjeshme. Kriza greke u ndje e para në Shqipëri. Firmat porositëse kërkuan prodhime, por ndërprenë pagesat në mënyrë të menjëhershme dhe shkaktuan mbylljen apo reduktimin e shumë reparteve prodhuese në qytetet shqiptare pranë kufirit grek, si Saranda, Devolli dhe Gjirokastra, shton ajo.
     


    Gjatë kësaj krize kompanitë e mëdha shqiptare kanë vazhduar punën, duke shpërndarë punën me firmat e vogla, të cilat humbën marrëdhëniet direkte me kompanitë e huaja. Ndërsa gjatë vitit të kaluar dha shenjat e saj të forta në Shqipëri edhe kriza italiane. Probleme financiare po shfaqin edhe kompani të mëdha italiane. Zonja Legisi thotë se nuk ka shenja se Italia do të përmirësojë pagesat, ndaj po studiohen tregje dhe klientë në shtete të tjera europiane.
     
    Pak ditë më parë qeveria hoqi taksën doganore për importimin e makinerive dhe pajisjeve, gjë që u mirëprit nga firmat prodhuese. Por bizneset e prodhimit të veshjeve u kanë kërkuar autoriteteve shtetërore disa lehtësira që janë të mundura nga rregullat e Bashkimit Europian, të cilat mund të arrihen me marrëveshje më të shpejta dypalëshe dhe shumë-palëshe. Po ashtu ata thonë se grantet dhe kreditë duhet të ishin më të lehta për të tejkaluar situata të papritura.
     
    Por ka edhe firma të tjera që nuk i kanë ndjerë goditjet e krizës në ato përmasa sat ë tjerët. Drejtuesja e firmës SAM Mimoza Vojka, thotë se sekreti është që firma të marrë përsipër sa më shumë faza prodhimi. Në firmën e saj ajo prodhon veshje sportive të personalizuara për gjithë tregjet europiane me cikël të mbyllur; pra merr porosinë për një kostum dhe e mbaron të gjithë vetë, ndryshe nga firmat e tjera që përgatitin vetëm një proces ose disa procese. Ajo mendon se firmat në Shqipëri duhet të zgjedhin klientët cilësorë dhe të mos mbahen me klientë të parregullt në pagesa që gjoja sjellin punë për firmat me shumë punëtorë por nuk i paguajnë ata. këtë lloj klienti firma e saj e largon menjëherë pa rrezikuar më tej.
     
    Në vitin 2009 ata e mbyllën biznesin e fasonit duke iu përkushtuar një prodhimi të ri me cikël të mbyllur. Firma ofron një numër të madh prodhimesh sportive, duke nisur edhe nga një fanellë për një sportist. Zonja Vojka thotë se gjatë kohës së krizës firma e saj investoi në teknologji moderne dhe u hap në tregje të reja, duke shtuar klientët.
     
    Aktualisht Shqipëria ka rreth 470 firma prodhimi me porosi nga jashtë. Sipas statistikave të organizatës së tyre, ato aktualisht kanë rreth 60 mijë punëtorë nga 100 mijë punëtorë që kishin në 2008. Deri vjet fasoneria ishte e para në radhën e bizneseve të eksportit dhe tërheqjes së euros, ndërsa tani ka dalë e dyta pas energjisë, mineraleve dhe metaleve.
    Ky forum është mbyllur
    Komente
         
    Në këtë forum nuk ka ende komente. Bëhuni i pari që komentoni

    Ditari

    Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
    Ditarii
    X
    13.02.2016
    Emisioni televiziv Ditari sjell pranë jush lajmet më të fundit nga bota, korrespondencat nga rajoni, intervista dhe analiza me tema nga më të larmishmet. Ju mund të gjeni gjithashtu të rejat e fundit nga mjekësia dhe shkenca, si edhe nga bota e artit.

    LAJME

    Vdes Scalia, anëtar i Gjykatës së Lartë të SHBA

    Antonin Scalia, 79 vjeç, vdiq nga shkaqe natyrore në Cibolo Creek Ranch, një vendpushim i Teksasit
    Më tepër

    SHBA përforcon mbështetjen për Evropën

    Sekretari amerikan i Shtetit, John Kerry, tha se SHBA ka një “interes të thellë” në fuqizimin e Evropës përballë tensioneve të reja me Rusinë dhe fluksit të papreçedent të refugjatëve
    Më tepër

    Ndikimi rus në Ballkan

    Vëzhguesit thonë se propaganda, organizatat dhe shoqatat kulturore ruse kanë shtuar praninë në Serbi, Mal të Zi, Shqipëri dhe Maqedoni
    Më tepër

    SHBA, kurset e trajnimit dhe tregu i punës

    Një qendër trajnimi në Merilend, u mëson studentëve profesione që i ndihmojnë të gjejnë vende pune
    Më tepër

    Aktoret e reja për çmimin Oskar

    Aktoret e nominuara për çmimin Oskar janë të moshës së re, të talentuara dhe konkurruese
    Më tepër

    FOTO E DITËS

    Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
    • Thousands of faithful are coming to the Basilica of Our Lady of Guadalupe where Pope Francis will celebrate Mass on Feb. 13, Mexico City. (C. Mendoza/VOA)
    • Security was tight days ahead of the papal visit, Mexico City. (C. Mendoza/VOA)
    • Images of Pope Francis are plastered all over Mexico City. (C. Mendoza/VOA)
    • A statue of Pope John Paul is seen near the Basilica of Our Lady of Guadalupe, Mexico City. (C. Mendoza/VOA)
    • Women drop off flowers at the Basilica of Our Lady of Guadalupe ahead of the papal visit, Mexico City. (C. Mendoza/VOA)
    • Pilgrims of all ages make their way to the Basilica of Our Lady of Guadalupe to see Pope Francis, Mexico City. (C. Mendoza/VOA)

    Interaktive

    Nuk keni telefon inteligjent?
    Nuk ka problem!
    Shkarkoni falas aplikacionin e VOA në telefonin tuaj.

     Shkarkoni aplikacionin mobil për tipin e telefonit tuaj.